ইন্টরনেসনেল ওলেম্পিক্স ডে নুমিৎকা মরী লৈননা ওলেম্পিক্স ডে রন, ঙরাং মনিপুর ওলেম্পিক্স এসোসিয়েসন্না শীন্দুনা ইম্ফালগী খুমন লম্পাক্তা লৈরিবা স্পোর্টস কমপ্লেক্সতা পাঙথোকখিবগা লোয়ননা চিফ মিনিষ্টর য়ূম্নাম খেমচান্দনা রন অদূ লমথাখ্রে।
থৌরমদুদা শরুক য়ারদুনা চিফ মিনিষ্টরনা হায়, মালেমগী থাক্তা পাঙথোকপা স্পোর্তস ইভেন্টশিংদা ইন্দিয়াগী কন্টিঞ্জেন্ট পূম্নমক্তা মনিপুরগী শান্নরোয় অমত্তা ওইরবসু য়াওদ্রবদি মপূঙ ফাদে হায়নরিবনি। খুমন লম্পাক্কি স্পোর্তস কমপ্লেক্সতা লৈবা ওলেম্পিক ভবন্দা পাঙথোকপা ইন্টর্নেস্নেল ওলেম্পিক ডেগী থৌরমদুদা ৱাফম অসী চিফ মিনিষ্টরনা ফোঙদোকখিবনি।মনিপুরদা ফূরূপ ৩৬ না ঙসীফাওবা পূন্না খুন্দা-লৈতামিন্নদুনা লাক্লি।মনিপুরগী শান্নরোয়শিংনা ইন্দিয়া পূম্বগী অমসুং পোক্নফম লমদম মনিপুরগী মিংচৎ পুদুনা লাক্লি হায়না ফোঙদোক্লদুনা, শান্নরোয়শিংনা মতম চূপ্পদা থকশী-খাসি ঙাকপা তঙায়ফদবনি হায়খি।
মনিপুর অসি ইন্দিয়ান স্পোর্তসকি পৱার হাওসনি হায়নরিবসি য়াম্না ৱাহন্থোক লৈবা অমনি হায়না চিফ মিনিষ্টরনা ফোঙদোকখি। মনিপুরগী শান্নরোয়শিংনা থৱায় য়াওনা শান্নদুনা লৈবাক অসীগী মিংচৎ কয়া পুরক্লিবা অসিবু শকখঙবিদুনা প্রাইম মিনিষ্টর নরেন্দ্র মোদিগী মীৎয়েং মখাদা লৈবাক অসীগী অহানবা নেস্নেল স্পোর্তস য়ুনিভর্সিতী মনিপুরদা হাংদোক্লিবনি হায়না চিফ মিনিষ্টরনা ফোঙদোকখি। থৌরমগী মনূঙ চন্না উ চারাশিং থাখি। মদূদসু চিফ মিনিষ্টরনা শরূক য়াখি।
You may also like
-
অরম্বাই তেঙ্গোলগী থৌমীশিং মখাতানা ফাদনবা দি জি পিদা খঙহনখ্রে, তম্পাক্তা খূৎলায়শিং থমজিনবগী রিপোর্ট লৈরি: গোবিন্দাস
-
কাংপোকপিদগী লাঞ্জেন্নরকখিবা আই দি পিশিংগা চিফ মিনিষ্টরগা উনখ্রে
-
ঈশাগী লোল, ময়েক্তা মহৈ তম্বা য়ারবনিনা হীরম খূদীংদা চাওখৎপা ঙম্লগনি: সি এম
-
তেলিপতিদা লৈঙাক্কি অথোরিটিগা মীয়াম অনীগী মরক্তা মূক্নখ্রে
-
কম্বাইন্দ সেক্যুরিটি টিম্না খূৎলায় কয়ামরুম রিকোভর তৌখ্রে