মনিপুর তম্পাক্কি মফম খরদা খূৎলায় থমজিনবগী রিপোর্ট খরা মখাতানা লৈরি। মরম অদূনা লৈঙাক্না খূৎলায়শিং অদূ ফোর্স শীজীন্নদুনা, ওপরেসন চত্থদুনা খোমগৎনবা থবক হৌরকপা ঙাইদনা ইশা-ইশানা খঙনা লৈঙাক্কি মরী লৈনবা অথোরিটিশিংদা সরেন্দর তৌবিয়ু হায়না মনিপুর লৈঙাক্কি হোম মিনিষ্টর গোবিন্দাস কোন্থৌজম্না ফোঙদোকখ্রে।
মহাক্না হায়, তম্পাক্কি মফমশিংদা লৈরিবা খূৎশু-খূৎলায়শিং অদূ খোমগৎলবা মতূঙদা চীঙগী এরিয়াশিংদা পাক-সন্না সর্স ওপরেসন চত্থদুনা খূৎশু-খূৎলায়শিং খোমগৎলগনি। মিনিষ্টরনা মখাতানা হায়, মনিপুরদা মহৌশাগী ঈং-তপ্পা শক্তম হঞ্জিল্লক্ননবা ষ্টেট লৈঙাক্কি মায়কৈদগী অকনবা থবক পায়খৎলি। অরম্বাই তেঙ্গোলগী থৌমী অমত্তা মখাতানা ফাবা পুনবগী থবক তৌদনবা ষ্টেট অসীগী দি জি পিদা খঙহনখ্রে হায়বা ৱাফম মিনিষ্টরনা ফোঙদোকখি।
মালেমগী মফমশিংদা পাক-সন্না পাঙথোক্নবগুম ঙরাং ইম্ফালগী খুমন লম্পাক্তা লৈরিবা স্পোর্টস কমপ্লেক্সতা পাঙথোকখিবা ইন্টর্নেস্নেল ওলেম্পিক্স ডে রন এন্দ ট্রি প্লান্টেসনগী থৌরমদা শরূক য়াবা লাকখিবা মিনিষ্টরনা ৱাফম অসী পাউমীশিংদা ফোঙদোকখিবনি।
You may also like
-
লোদ সেদিংগী প্রোগ্ৰাম লৈতে, মৈগী চাং য়ৌদবগীনি: রবি
-
দিকম্পোজ তৌরবা নূপীগী হকচাং অমা ফংলে
-
মণিপুর লম্বী অমদি হাংদোকখ্রে, অতোপ্প অমদনা ব্লকগেড মখা তানা চত্থরি
-
মনিপুরদা রিকগনাইজ তৌদবা অনৌবা খুল ৯৩৪ হেঙ্গৎলক্লে খঙলবসু লৈঙাক্না থৌশাদ্রিবা অসী অচৌবা চৈথেং মায়োক্নরক্কনি:তোম্বী
-
লৈঙাক অমসুং য়ূ এন সীগী মরক্তা ৱারী শান্নখ্রে