হৌখিবা এপ্রিল ২২ দা লাস্কর- ই-তোইবা হায়না খঙনরিবা পাকিষ্টান দা বেজ তৌবা অমসুং লৈবাক অদুনা শৌগৎপা টেরর গ্ৰুপ অদুনা কাস্মিরগী পহলগামদা ইন্দিয়াগী টুরিষ্ট ২৫ অমসুং নেপাল নেস্নেল অমগা থারগা পূন্না মীচম ২৬ তমথিবা মওংদা নোংমৈনা কাপ্তুনা হাৎখিবা থৌদোক অদূগী লম্মন খুম্বা থৌওংদা ইন্দিয়ান মিলিটরিনা টেরোরিষ্টশিংগী মথক্তা মিসাইল এত্তেক অমা হৌখিবা য়ূমশকৈশা নুমিৎকি অঙনবা অয়ুক্তা পাকিষ্টান ওকক্যুপাইদ কাস্মির অমদি পাকিস্তান গী মনূঙ হঞ্জিন্না লৈরিবা লমখৈ শরুক্তা চত্থদুনা টেরোরিষ্ট ১০০ হেন্না হাৎখিবা থৌওং অদুবু শৌগৎপগা লোয়ননা অপেনবা ফোঙদোক্তুনা ঙসী মনিপুর প্রদেস কংগ্রেস কম্মিটি (এম পি সি সি) না শীন্দুনা তিরঙ্গ যাত্রা পাঙথোকখ্রে।
ইম্ফালদা লৈরিবা কংগ্রেস ভাবন্দগী খোঙশানখিবা কংগ্রেসকি তিরঙ্গ যাত্রা অদূ নোরথ এ ও সি নচিংবা ফাওদুনা চৎলবা মতূঙ ইম্ফালগী মরুওইবা মফম কয়া ফাওদুনা কোয়না চৎলূরবা মতূঙদা অমুক কংগ্রেস ভাবন্দা হল্লকখ্রবা মতুংদা পাউগী মীফম অমা পাঙথোকখি।
মনিপুরগী হান্নগী চিফ মিনিষ্টরসু ওইরিবা সি এল পিগী লুচিংবা ওক্রম ইবোবিনা থৌরমদুদা ফোঙদোকখিবদা, কংগ্রেস পার্টিনা মখল অমত্তগী টেরোরিজমগী থৌওং য়াবা ঙম্লোই। কংগ্রেস না মহৌশাদগী হৌনা টেরোরিজমগী থৌওং অমত্তা য়ারক্ট্রি। হন্দক ইন্দিয়ান মিলিটরিনা পাকিষ্টান ওকক্যুপাইদ কাস্মির অমদি পাকিস্তান গী মনূঙদা লৈরিবা টেরোরিষ্ট মোদ্যুল মাপনদা অকনবা মওংদা লম্মন খুম্বগী এত্তেক চত্থদুনা টেরোরিষ্ট ১০০ হেন্না হাৎখিবা থৌদোক অসী অপেনবা পোকই হায়খি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি