হৌখিবা পূং ২৪ গী মনূংদা মনিপুর দা মীওই অমা নৌনা দেঙ্গী পোজিতিব ওইবা থেংনখ্রে। মহাক্কা য়াওরগা চহী অসীগী ওইনা ষ্টেট অসীদা দেঙ্গী লায়না পোজিটিব ওইরবা কেস মশীং অসী পূন্না ৩৬ য়ৌখ্রে। নৌনা দেঙ্গী পোজিতিব ওইরবা মীওই অসী ইম্ফাল ৱেষ্ট দিষ্ট্রিক্ট তগীনি।মহাক থারগা দিষ্ট্রিক্ট অসীখক্কি ওইনা লায়না অসীগী অপূনবা পোজিতিব কেস মশীং ৯ শুখ্রে।
মনিপুর লৈঙাক্কি দিরেক্টরেট ওফ হেল্থ সার্বিসেসকি খ্বাইদগী অনৌবা রিপোর্ট অমগী মতূং ইন্না, চহী অসীগী ওইনা মনিপুরদা দেঙ্গী লায়নাগী অপূনবা পোজিতিব কেস মশীং ৩৬ অসীগী মনূঙদা ইম্ফাল ইষ্ট খক্তদা ১৭ ওইদুনা মকোক থংবদা লৈরি। মসীগী মথঙদা ইম্ফাল ৱেষ্ট তা ৯ ওইদুনা অনীশুবদা লৈরি। বিষ্ণুপুর দিষ্ট্রিক্ট তা চহী অসীগী ওইনা হৌজিক ফাওবদা লায়না অসীগী পোজিতিব কেস মশীং ৬, কাংপোকপি দিষ্ট্রিক্ট তা ২, ককচীং অমসুং ঊখ্রূলদা পোজিতিব কেস অমমম লৈরি।
হন্দক্কি চহী অসীদা হৌজিক ফাওবদা লায়না অসীনা মনিপুরদা মীওই অমত্তা শিহনবদি লৈত্রি। চুরাচান্দপুর, তমেংলোং, চান্দেল, জিরিবাম, নোনে, তেংনৌপল, ফেরজোল, থৌবাল, কামজোং অমসুং সেনাপটি দিষ্ট্রিক্টশিং অসীগী ওইনদি লায়না অসীনা শোকহনবগী রেকোর্দ অমত্তা লৈত্রি হায়রি।
You may also like
-
বোম পোকখায়বা য়ানিংদবা ফোঙদোক্তুনা প্রোটেষ্ট তৌখ্রে, লূপ্নসু শেংদোরক্লি
-
এটি গী থৌমী ১৫০ হেনবনা ঈ দান তৌখ্রে
-
নাগাশিংনা ফাগৎপিয়ু হায়না খূৎ থিন্দুনা লাকখিবা পুলিস কন্সটেবলগী মথক্তা ইনক্বারি চত্থবা হৌখ্রে, সস্পেন্দ তৌখ্রে
-
ষ্টেট সোং মীয়াম্না শক্নবগী প্রোটোকোল অমা শেম্বিয়ু: সুসিন্দ্রো
-
মীয়াম্না মতৌ করম্না খোঙজঙ চঙশীনগদগে হায়বদু লৈঙাক অসীনা লাউথোকপিরো: ঈমাগী মৈরা