কাংপোকপি দিষ্ট্রিক্ট কি তোঙান তোঙানবা মফমশিংদা লৈরিবা রিলিফ কেম্পশিংদা চঙজফম লৌদুনা লৈরিবা আই দি পি অঙাঙশিংগী মশা-মঊ ফনা লৈহন্ননবা পান্দমদা আর্ট বেজ থেরাপি অমদি কনভর্জেন্স মীটিং অমা চৎলিবা দিসেম্বর থা অসীগী ২০ দা পাঙথোকখ্রে।
থৌরম অদূ কাংপোকপি দিষ্ট্রিক্ট কি মনূঙ চন্না লৈবা তোঙান তোঙানবা রিলিফ কেম্প ৩৭ কি অঙাঙশিংগী ওইনা পাঙথোকখিবনি।কাংপোকপি দিষ্ট্রিক্ট অসীগী দিষ্ট্রিক্ট চাইল্ড প্রোটেক্সন য়ুনিট (দি সি পি য়ু) অমসুং মনিপুর কম্মিসন ফোর প্রোটেক্সন ওফ চাইল্ড রাইটস (এম সি পি সি আর) অনীনা খূৎশম্নরগা দিষ্ট্রিক্ট এদমিনিষ্ট্রেসন কাংপোকপিগী মীৎয়েঙ মখাদা চত্থখিবা থৌরম অদুদা আই দি পি অঙাংশিং অদুদা স্পোর্ট মেটরিয়েলশিং য়েন্থোকখি লোয়ননা অপীকপা ব্লাঙ্কেট,য়েরূম,পাঊদর মিল্ক,সুগর,কেক অমসুং অতৈ ন্যুট্রিটিব ভেল্যূ য়াওবা অচা-অথকশিং,স্নেকনচিংবসু য়েন্থোকখি।
আই দি পি ওইনা লৈরিবা অঙাঙ ১৪০ দা স্কুল বেগশিংসু লেম্না ফংহনখিবগা লোয়ননা স্তেসন্নরি আইটেমশিংসু পীখি হায়না কাংপোকপি দিষ্ট্রিক্টকি দি সি পি ও রিনা চনূ মোইরাংথেমনা খঙহল্লক্লি।
You may also like
-
মীরৈবাক্তগী লান্দারক্লফাও লৈঙাক্না য়েংদুনা লৈরি, আই আর বি নত্রগা মনিপুর রাইফলগী বট্টালিয়নশিং ঙমখৈ পরীংদা থম্মু: সি এস ওশিং
-
লূপ-৫ গী থৌমীশিংনা শীন্দুনা মীয়ামগী ৱাকৎ-মীফম পাঙথোকখ্রে
-
পন্দূনা লৈরকখিবা গারি ২৯৩ সেক্যুরিটিনা এস্কোর্ট তৌদুনা ইম্ফাল য়ৌরকখ্রে
-
চাউনা মায় পাক্লকখ্রবা পি ই এস কি মহৈরোয়শিং তরাম্না ওকখ্রে, মনা লান্থোকখ্রে
-
৯ শুবা অথৌবশিংগী নীংশিং থৌরম মপূঙ ফানা পাঙথোকখ্রে