মনিপুরগী দিপ্যুটি চিফ মিনিষ্টর লোসি দিখোনা লুচিংদুনা, সেনাপটিগী দিপ্যুটি কম্মিস্নার ধরুন কুমার অমদি পাউমাতাগী এস দি ও ওইনা লৈরিবা এম সিদেনি য়াওবা মিনিষ্টরিয়েল টিম অমনা, হন্দক্কি লেপ্পা লৈতনা হৈথরকখিবা অকনবা নোংজুদা ঈচাও মায়োক্নদুনা অৱাবা তারবা লাই ভিল্লেজদা হকথেংননা চত্তুনা ফীভমশিং য়েংশিনখ্রে।
মফম অদুদা খঙহৌদনা ঈচাও থোক্লক্তুনা লৌফম কয়ামরুম অমাঙ-অতা থোক্লিবনি। লাই অমদি ঊখ্রূল দিষ্ট্রিক্টকি খরাসোম ভিল্লেজগা ফাওনরিবা অমত্তা ঙায়রবা থোং অদুসু ঈচাওনা থদৎখিবদগী মীয়ামদা চাউনা খুদোংচাদবা কয়ামরুম মায়োক্নদুনা লাক্লিবনি। দিপ্যুটি চিফ মিনিষ্টরনা ঈচাওগী ফীভম কোয়না চত্তুনা য়েংশিনখিবগা লোয়ননা অৱাবা মায়োক্নরবা খুঞ্জাশিংগসু উনদুনা মখোয়গী পেন্দবা, খুদোংচাদবা কয়াগী পাউদমশিং তাখি। খূদক্কি ওইনা পাংবা য়াবা তেঙবাং খূদিংমক পীরগনি হায়না দিপ্যুটি চিফ মিনিষ্টরনা ফোঙদোকখি। খূদক্কি ওইনা খুঞ্জাশিং অদূগীদমক সেনাপটিগী দিপ্যুটি কম্মিস্নারগী মায়কৈদগী চেঙ বেগ ৪০ য়েন্থোকখি।
লাই ভিল্লেজদা য়ূমথোঙ ৯০০ লৈবগী মনূঙদা য়ূমথোঙ ৫০০ রোম হন্দক্কি ঈচাও অসীনা শোকহল্লে। একর ৩০০ খরা হেনবা লৌফম অমসুং ইঙ্খোলগী এরিয়া মাঙ-তাকহল্লে। লিংবা হৌবতা ঙায়রিবা লৌফম অয়াম্বা নাইরি তুরেলদগী পাথরকপা ঈশীংনা থূমজীনখ্রে হায়না খুঞ্জাশিংনা দিপ্যুটি চিফ মিনিষ্টরদা পাউদমখি।
You may also like
-
চিফ মিনিষ্টরগী বাংলোদা থোমজীল্লকখিবা মীয়াম অথীংবা পীখ্রে
-
লম্বী-থোং শেম্বা লোইশিনবিরো, পোং লম্বীদা এম্বুলেন্স চৎপা য়াবা থোং শাবিয়ু: তোম্বা
-
মর্জর এগ্ৰিমেন্ট গী মায়োক্তা কৌখিবা টুটেল সটদাওন্না মহৌশাগী পুন্সিদা চাউনা অকায়বা পীখ্রে
-
বোম পোকখায়বা য়ানিংদবা ফোঙদোক্তুনা প্রোটেষ্ট তৌখ্রে, লূপ্নসু শেংদোরক্লি
-
এটি গী থৌমী ১৫০ হেনবনা ঈ দান তৌখ্রে