কাংপোকপি দিষ্ট্রিক্টকী মোটবুংদা লৈরিবা প্রসিদেন্সি কোলেজগী আই টি সেন্টরদা ষ্টাফ সেলেক্সন কম্মিসনগী এগজামিনেসন সেন্টর অমা হাংদোকপিয়ু হায়না মনিপুরগী দিপ্যুটি চিফ মিনিষ্টর নেমচা কিপগেন্না হায়জরুবদা কম্মিসন অসীনা অয়াবা পীরকখিদ্রে।
কম্মিসন অসীগী চ্যেরমেন এস গোপালাক্রিষ্ণন্না নেমচা কিপগেন্দা চেরোল অমা থারক্তুনা, মনিপুরদা ষ্টাফ সেলেক্সন কম্মিসনগী অনৌবা এগজাম সেন্টর অমা হাংদোক্নবগী ৱাফম অসী কম্মিসন্না কূপ্না খন্নরে। কুকি ষ্টুদেন্টস ওর্গানাইজেসন (কে এস ও) না কাঙলূপ অসীগী মহৈরোয়শিং অতোপ্পা মফমদা চৎলগা এগজাম থাবদা খুদোংচাদবা কয়া মায়োক্নগনি হায়না পুখৎলকখিবা ৱাফমগী মতাংদসু কূপ্না খন্নরে।মনিপুরগী ওইনা হৌজিক এস এস সিগী এগজাম সেন্টর অহুম লৈরি। ইম্ফাল, চুরাচান্দপুর অমসুং ঊখ্রূলদা লৈরিবা অদূনি। ষ্টেট অসীগী পাক-চাউবা অমসুং মীশীং য়েংলুরগা মফম অহুম লৈরিবা অসী হৌজিকমক্কিদি চানরে হায়না লৌই হায়রকখ্রে।
ঊখ্রূলদা লৈরিবা সেন্টর অসী কাংপোকপি দিষ্ট্রিক্টকা য়াম্না নক্ননা লৈবনি। চৎথোক-চৎশীনগী খুদোংচাদবা লৈ হায়বদুগী মতাঙদদি করি তৌবা য়াবগে হায়বদু য়েংশিনগনি, কাংপোকপিদা অনৌবা এগজাম সেন্টর হাংবগী মতাঙদুদি য়ারোই হায়না খঙহল্লকখি।
