জীরিবামদা পন্দুনা লৈরক্লিবা তোঙান তোঙানবা পোৎলমশিং য়াওরবা গারিশিং মনিপুর লৈঙাক্না মতীকচাবা সেক্যুরিটি কনভোইগা লোয়ননা ইম্ফালদা পূশিন্ননবা থবক পায়খৎলক্ট্রবদি কনভোই য়াওবা নত্রগা য়াওদবা থিদনা জিরিবাম অমসুং আসামগী তোঙান তোঙানবা মফমশিংদা পন্থদুনা লৈরিবা ট্রকশিং থৌজীল্লক্লগনি হায়না টি দি সিনা লৈঙাক্কি মফমদা খঙহনখ্রবা মতূঙদা ঙরাং অয়ূক জীরিবাম অমসুং আসামদা পন্দুনা লৈরিবা পোৎ-চৈ পুবা ট্রক ৬৪৪ , মতীকচাবা কনভোইগা লোয়ননা, গ্ৰূপ অহূম থোক্না খায়দোক্লগা ইম্ফাল তম্না পুরকখ্রে।
মখোয় অয়াম্বা ঙসী ইম্ফাদা থুংলরগনি হায়রি। লৈঙাক্কি মায়কৈদগী মতম খরা থেঙথরবসু অসীগুম্বা খোঙথাং অসী লৌখৎলকপগীদমক টি দি সিনা অপেনবা ফোঙদোরক্লি।