মনিপুরদা হৌজিক থোক্লিবা হীঙশাগী ঈরাঙ অসীদা, কুকি মিলিটেন্টশিংনা মৈতৈদা এত্তেক তৌরিঙৈ চৈরক্তা নাগাশিংদা অমুক কাইহৌরক্তুনা নাগা ফূরুপকি মীচম মীওইশিং, কুকি মিলিটেন্টশিংনা ঙাইহাক লৈতনা হাৎপা হৌরক্লবসু লৈঙাক অসীনা কুকি মিলিটেন্টশিং অসী নমথবা ঙমদ্রি।
কুকি খূজোক অমখক্না মৈতৈ ফূরূপকি মথক্তা করিসু থৌশাদনা এত্তেক চত্থরকপগী মথক্তা নাগা ফূরুপকি মথক্তসু খৎনবা হৌরক্তুনা, মতম অমত্তদা কুকিশিংনা মৈতৈ অমসুং নাগা অনীমক্তা নাচুংবা লৈতনা এত্তেক চত্থবা ঙম্লক্লিবসিগী মরুমদা করি লৈরিবগে হায়বসি মীচম অমনা ঈরায় লায়না অদুম্মক খঙবা পোৎনি হায়না কোকোমি ৱিমেন ৱিংগী কনভিনর দব্লিয়ু লূৱাং লৈমনা পাউমীশিংদা ফোঙদোকখ্রে।
মনিপুরদা লৈরিবা বি জে পিগী লৈঙাক অসীনা হৌজিক লৈরিবা লো এন্দ ওর্দরগী ফীভম, অমসুং চহী অহূম ফারক্লবা মীহাৎ মীপূন অসী লোইশিন্নবা হোৎনবগী মহুত্তা সেন্তরদা লৈরিবা মবূঙোশিংগী তান্থাদা জগোয় শাদুনা লৈরি।মরম অদুনা মীয়ামগী খন্দ্রবা, লৈবাক্কি খন্দ্রবা বিজেপিগী চিফ মিনিষ্টর য়ূম্নাম খেমচান্দ য়াওনা মিনিষ্টর অমসুং এম এল এশিং লোয়ননা পার্টী অসীগী থৌমীশিং খোমজোম দেদা শরুক য়াহল্লরোই, অথীংবা থম্লে হায়বা ৱাফম লূৱাং লৈমনা মখা তানা ফোঙদোকখি।
You may also like
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে
-
নিপালশুবা ৱক্ফ বোর্দ মেম্বরশিং খল্লকপদা অম্পসুম না অপেনবা ফোঙদোরক্লি