চুরাচান্দপুর দিষ্ট্রিক্ট মনূঙচন্না চুরাচান্দপুর পুলিশ ষ্টেসনগী এরিয়াদা লৈরিবা এস মুনুৱাম খুন্দগী মশাগী চহী ৪৯ লোম শুরবী নূপী অমদগী য়াম্লবা দব্লিয়ু ৱাই টেব্লেটশিং সেক্যুরিটি ফোর্স না ফাগৎপা ঙমখ্রে। নূপী অদূগী মমীং মানৈহোয় বাইটে কৌই হায়রি। মঙোন্দগী দব্লিয়ু ৱাই টেব্লেট ১,২০০ ফংখি। মনিপুর পুলিসনা লমদম অসীদা দ্রগকি মায়োক্তা চত্থরকখিবা কেম্পেইন মনূঙচন্না চত্থরকপা দ্রাইব অমদা য়াম্লবা দব্লিয়ু ৱাই টেব্লেটশিং অদূ ফাগৎখিবনি।
ফাগৎলবা দব্লিয়ু ৱাই টেব্লেটশিং অদূ মালেমগী কৈথেলদা লূপা লাখ ১০ হেনবগী ওইগনি হায়রি। নাকল অমরোমদা সেক্যুরিটি ফোর্স না হৌখিবা আগষ্ট ২৬ কি নুংদাংদা গারি হুরানবনি হায়বা মীওই অনী থৌবাল দিষ্ট্রিক্ট কি মনূঙচন্না লিলোং পুলিসনা কোনবা লিলোং হাওরৈবী অৱাং লৈকায়দগী ফাগৎপা ঙমখ্রে। মখোয় অনীমক মশা মশাগী ময়ূমদগী লৌখৎখিবনি।
মখোয় অনীগী মমীং মোহম্মদ অসিকুর রাহমান (২৫) অমসুং মোহম্মদ য়ূমখায়বম মোহশিল খান (২৩) কৌই হায়রি। মখোয়দগী অল্টো কার অমগা মোবাইল ফোন অমগা ফাগৎপসু ঙম্লে হায়না পুলিসকি পাউ অমনা খঙহল্লক্লি।
You may also like
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে
-
নিপালশুবা ৱক্ফ বোর্দ মেম্বরশিং খল্লকপদা অম্পসুম না অপেনবা ফোঙদোরক্লি