চহী খূদীঙগী চাং নাইনা পাঙথোক্তুনা লাকপগুম হন্দক চহী অসীগী ওইনসু ঊখ্রূল দিষ্ট্রিক্ট কি মনূঙচন্না লৈরিবা সিরারাখোং লমদমদা চহী অসীগী সেপ্তেম্বর ১৬ তগী নুমীৎ হুম্নি চূপ্না সিরারাখোং মোরোক ফেষ্টিবেল পাঙথোক্লগনি।
সিরারাখোং হাথৈ চিল্লি ফেষ্টিবেল কম্মিটিগী চ্যেরমেন ভি ন্যুমাই জিমিক না ৱাফম অসী ইম্ফালদা লৈবা মনিপুর প্রেস ক্লবতা পাউমীশিংগা উনখিবা অমদা ফোঙদোকখিবনি। মহাক্না মখাতানা হায়, মনিপুরগী গভর্নর অজয় কুমার ভাল্লা য়াওনা ফেষ্টিবেল অসী হৌদোক্কনি।
হেরিটেজ ব্লেসিং হায়বা থিমদা থৌরম অসী মচু কয়াগী কলচরেল প্রোগ্রাম শিংগা লোয়ননা পাঙথোক্ল বা মতূঙদা হরাও তয়াম্না অমসুং মপূঙফানা লোইশিন্ননবা কম্মিটিনা হোৎনরি।মনিপুরগী ইথনিক কম্যুনিটি কয়াসু ফেষ্টিবেল অসীদা শরুক য়াগনি হায়খি। মনিপুর খক্তদা নত্তনা মালেমগী কৈথেলশিংদসু মীয়াম্না য়াম্না পাম্নরক্লিবা সিরারাখোং মোরোক অসী হন্দক্কি ফেষ্টিবেল অসীদা মীয়ামগী মফমদা য়াম্না অহোঙবা মমলদা ফংহন্ননবা ফেষ্টিবেল কম্মিটিনা থৌরাং তৌরি হায়না জিমিক্না ফোঙদোকখি।