হৌখিবা মে ১৩ দা কুকি মিলিটেন্টশিংনা ফাজিনখিবা কোন্সাখুলগী নাগা মীচম ১৮ গী মনূঙদগী নূপী অঙাঙ ১২, মে ১৫ দা থাদোরকখ্রবা মতূঙদা মীচম নূপা ৬ ঙসীফাওবা থারোক্তনা লৈরিবা থৌদোক অসীগী মতাঙদা মীচমশিং অদূ ফংননবা য়াম্না কন্না ছর্স অমদি রেসক্যু ওপরেসন চত্থদুনা থিনরি হায়না চিফ মিনিষ্টর য়ূম্নাম খেমচান্দনা ফোঙদোকখ্রে।
ঙরাং চিফ মিনিষ্টর অসীনা সেনাপটি দিষ্ট্রিক্টকি মখান নাগা ভিল্লেজদা চত্তুনা, মখান বেপ্তিষ্ট চর্চ তা চঙজফম লৌদুনা লৈরিবা কোন্সাখুলগী মীওই ৩৫ গা হকথেংননা উনখিবদা ৱাফম অসী ফোঙদোকখিবনি। চিফ মিনিষ্টরনা মফম অদূগী ভিল্লেজ লিদরশীং অমসুং চর্চ লুচিংবশিংগসু উনখি।চেং, হৱাই, অচাথাউ,অমদি অতৈ অচা-অথক কয়াসু আই দি পিশিং দা পীরমখি।
কোন্সাখুলগী নাগা মীচম তরূক ফাবদা চেন্নবনি হায়বা কুকি কাঙলূপকি মীওই মরি সেক্যুরিটি ফোর্সনা ফাগৎপা ঙম্লে, মখাতানা ছর্স এন্দ রেস্ক্যু ওপরেসন চত্থদুনা মীচমশিং অদূ ফংনবা অমদি মরাল লৈবশিং ফাগত্তুনা আইনগী ওইবা চৈরাক পীননবা হোৎনরি হায়না চিফ মিনিষ্টরনা আই দি পিশিং অমদি অতৈ নাগাগী লুচিংবশিংদা ফোঙদোক্লমখি। মীচমশিং অদূ হৌখিবা মে ১৩ দা কাংপোকপি দিষ্ট্রিক্টকী মনূঙচন্না লৈরিবা লৈলোন ৱাইফৈ কুকি ভিল্লেজ দগী কুকি মিলিটেন্টশিংনা ফাজিন্দুনা থমখিবনি।
You may also like
-
হেল্থ কেম্পতা দাক্তরশিং লাক্লরোই হায়রকপা তরাইনা লৌদে: পুয়া
-
ইম্ফাল ৱেষ্ট দিষ্ট্রিক্ট তা মীওই অমা নৌনা দেঙ্গী পোজিটিব ওইবা থেংনরে
-
মনিপুরি ফীল্ম চাওখৎহন্নবগী মতাঙদা সি এম্না চ্যের লৌদুনা মীফম পাঙথোকখ্রে
-
প্রিপাক প্রো লিংখৎখিবগী ১৬ শুবা কুম্মোন থৌরম পাঙথোকখ্রে
-
ফত্তবা চেদা লাইরিক নম্বা থিংঙু য়াদবা, শেঞ্জা-থুমজা তৌরিবসি থিগৎহল্লু য়াদবা সি এম ফম থাদোকপিরো:দেসাম