হৌখিবা কুমশিং ২০২৫ গী আগষ্ট ১৫ দা লৈবাক অসীগী মীৎয়েং শানবা প্রাইম মিনিষ্টর নরেন্দ্র মোদিনা হায় পৱার দেমোগ্ৰাফি মিসন লাউথোকখিবগা লোয়ননা চহী অদূগী সেপ্তেম্বর ১১দা সেন্ট্রেল কেবিনেটনা অয়াবা পীদুনা মনিপুর য়াওনা লৈবাক অসীগী বোর্দর ষ্টেটশিংদা লৈরিবা মীয়ামগী অয়াবা মতূঙ ইন্না ডেমোগ্ৰাফিদা অহোংবা লাক্লিবশিং অসী য়েংশিন্দুনা মীরমশিংদগী আইন কায়না লোন্না চঙশীল্লকপা মীতোপ মশক খঙদোক্তুনা তকথোকখিনবা অমসুং হান্নদগী লৈবাক অসিদা চঙশীন্দুনা লৈরবশিং তকথোক্নবা হায় লেভেল কম্মিটি অমা শেম্ননবা থৌরাং তৌরকখি।
মসীগী মখা তারকপা খোঙথাঙ অমদা প্রাইম মিনিষ্টর নরেন্দ্র মোদিগী মীৎয়েং মখাদা ডেমোগ্ৰাফিগী অহোংবা লাক্লিবা কয়া অসী য়েংশিন্ননবা হায় লেভেল কম্মিটি অমা শেম্ননবা অকনবা অমদি অচেৎপা সেন্টরগী ফিরেপ লাউথোরকপদা মনিপুরগী চিফ মিনিষ্টর য়ূম্নাম খেমচান্দনা অপেনবা ফোঙদোকখ্রে। ডিমোগ্ৰাফিদা অহোংবা অমা চাউনা লাকপা অসীনা ইন্দিয়াগী সোভরেন্টিদা অকায়বা থোকহনবতা নত্তনা সেন্ট্রেল সেক্যুরিটি অমসুং লো এন্দ ওর্দরদা অচৌবা চৈথেং পীরক্লিবনি হায়রি।
য়ুনিয়ন হোম মিনিষ্টর আমিট শাহনা মসীগী মতাঙদা ফোঙদোক্লদুনা, হায় পৱার অমা অথূবা মতমদা শেম্ননবা থৌরাং তৌরে হায়না লাউথোরকপদা চিফ মিনিষ্টর খেমচান্দ না নুংঙাইবা ফোঙদোকখিবনি।সেন্টরগী খোঙথাঙ অসীদা মনিপুর লৈঙাক্কি মায়কৈদগী মপূঙ ফানা মতেং পাংগনি হায়না চিফ মিনিষ্টরনা মখা তানা ফোঙদোকখি।
You may also like
-
ষ্টেট অসিগী অহানবা ওইনা আধার সেবা কেন্দ্র হাংদোকখ্রে
-
কোব্রা কম্মান্দো নোনেদগী লৌথোকখিনবা প্রোটেষ্ট তৌরক্লে
-
এন আর সি অপদেট তৌদনা মীকোক, য়ূমকোক মশীং থীবা য়ারোই: ৱাঙম্বা
-
কোব্রাগা কাপ্নবদা নাগা ভল্লন্টিয়র অমা শিরে, জে টি সিনা নেস্নেল হায়ৱেশিং থিংজিনখ্রে
-
মণিপুরদা তোপ-মেই কাপন্নবদ খুঙংগী ভোলুন্টির অম শিখ্রে, CRPF গী মীওই অনি য়াওনা মীওই অহুম শোকখ্রে