চিফ মিনিষ্টর য়ূম্নাম খেমচান্দনা ঙরাং ইম্ফাল ৱেষ্ট দিষ্ট্রিক্টকি সলাম থরোইজম ইকো টুরিজম পার্কতা ষ্টেটকি থাক্তা ভিক্সিত ভারত গরেন্টি ফোর রোজগার এন্দ অজিবিকা মিসন(গ্ৰামিন) ভি বি -জি রাম জি লোঞ্চ তৌখ্রে।
ষ্টেট লৈঙাক্কি দিপার্টমেন্ট ওফ রুরেল দিভেলপমেন্ট এন্ড পঞ্চায়েট্টি রাজনা শীন্দুনা থৌরমদু পাঙথোকখিবনি। থৌরমদুদা চিফ মিনিষ্টর য়ূম্নাম খেমচান্দনা হায়, মমাঙদা এম জি এন আর ই জি এ হায়বা স্কিমগী মখাদা য়ূমথোঙ খূদীঙগী মীওই অমমমদা, চহী অমদা নুমিৎ ১০০ থবক পীরম্বদু ঙসীদি অনৌবা মমীঙ ভি বি-জি রাম জি হায়বা অসীগী মখাদা চহী অমদা নুমিৎ ১২৫ নি থবক পীরগনি। মমাঙদা মীওই অমগী নোংমগী খূৎশূমল অসী লূপা ২৮৩ ওইরম্বনি অদুবু অনৌবা স্কিম অসীগী মখাদা লূপা ৩০০ ওইরগনি।মীৎয়েঙ শানবা প্রাইম মিনিস্তর নরেন্দ্র মোদিগী ভিক্সিত ভারত @ ২০৪৭ মঙফাওনহন্নবা পান্দমদা থৌরাং অসী লৌখৎলকপনি হায়খি।
থৌরমদুদা ভিদিও কনফরেন্সকি খূত্থাঙদা শরূক য়াখিবা দিপ্যুটি চিফ মিনিষ্টর নেমচা কিপগেন্না হায়, চাওখৎ-থৌরাংগী থবকশিং খুঙ্গংগী লমদগী হান্না পায়খৎকদবনি। খুঙ্গং চাওখত্তনা লৈবাক অদূ চাওখৎলে হায়বা য়ারোই। মিনিষ্টর কে ঐচ লোকেন অমসুং এম এল এ রাজেনসু লোঞ্চিং প্রোগ্ৰাম অদূদা শরূক য়াখি।