ঙরাং অয়ূক পূঙ ১০ খরা হেল্লকপদা চুরাচান্দপুরদগী কাংপোকপি তম্না মশাগী লন্নাই গারি তোংদুনা লাকখিবা থাদৌ কাঙলূপকি মীওইশিংদা শকখঙদবশিংনা এম্বুস তৌরকপদা চর্চ লুচিংবা অহুম লায়কন্নবা ঙমদনা লৈখিদ্রবা মতূঙদা, থৌদোক অদূমক্তদা শোক্তুনা নান্থোকহৌরবা মীচম অহুম হৌজিক লাঙ্গোলদা লৈবা শীজা হোস্পিটালদা লায়কন্নদুনা লৈরি।
হোস্পিটাল অসীগী রিপোর্ট মতূঙ ইন্না, মীচম অহুম অদূগী হকচাংগী ফীভম থোইনা অরুবা ওইদ্রে হায়রি। শোক্লবা মীচম অহুমদু অসাম রাইফল্সনা থৌদোক থোকফমদগী পুথোরক্লগা হোস্পিটাল অসীদা লায়েংদুনা লৈরিবনি।
ঙরাং নুংথিল চিফ মিনিষ্টর য়ূম্নাম খেমচান্দ, দিপ্যুটি চিফ মিনিষ্টর লোসি দিখো, হোম মিনিষ্টর গোবিন্দাস কোন্থৌজম অমদি অতৈ লৈঙাক্কি মকোকথোংবা ওফিসিয়েলশিংনা অশোকপা অহুম অদূগী হকচাংগী ফীভম য়েংশিনখ্রে।
য়েংশিনখিবা অদূদা দিপ্যুটি চিফ মিনিষ্টর লোসি দিখোনা হায়, মীচমদা খূৎলায় পায়বশিংনা এত্তেক চত্থবগী থৌদোকশিং লমদমসিদা ঙাইহাক লৈতনা থোক্লিবসি নুংনাংনিঙাই ওইরি।মসী য়াম্না লাইবক থীবনি।চিফ মিনিষ্টরগা কূপ্না খন্নরবা মতূঙদা পরপিট্রেটরশিং অদূ ফাগত্তুনা আইনগী খ্বাইদগী অকনবা চৈরাক পীননবা থবক অথূবা মতমদা লৌখৎকনি অদুগা অশোকপশিং অদূদা কদায় ফাওবগী চাংদা মতৌ করম্না মতেঙ পাংগদগে হায়বদু লেপথোক্লবা মতূঙদা মীয়ামদা কোন্না লাউথোক্কনি হায়বা ৱাফম দিপ্যুটি চিফ মিনিষ্টরনা ফোঙদোকখি।
You may also like
-
কাংপোকপিদা কুকি-জো ফূরুপ্না কৌখিবা টোটেল সটদাওনগী খোঙজঙনা মহৌশাগী ওইবা পুন্সিদা চাউনা অকায়বা পীখ্রে
-
প্রোফেসার গঙ্গা প্রসাদনা এম য়ূগী অনৌবা ভি সি ওইরগনি
-
মেঘালয়াগী আই এ এস ওফিসারগী একাদেমিক বুকতা মালেমগী হেঙ্গৎলক্লিবা ইন্টরদিসসিপ্লিনারি নোলেজ ইকোনোমি দিমান্দগী মমি ময়েক শেংনা তাবা থেংনরে
-
স্মার্ট প্রিপেদ মিটরনা মহুৎ শিন্ননবা নোটিফিকেসন থোকখ্রে
-
নর্সকি নুমিৎ পাঙথোকখ্রে, ঈ দান তৌখ্রে