মনিপুরদা হৌজিক পৱার কঞ্জুমরশিংনা য়ূমথোঙ খূদীংদা শীজিন্নরিবা ইলেক্ট্রিক প্রিপেদ মিটরশিং অসী য়াম্না অথূবা মতমদা স্মার্ট প্রিপেদ মিটরনা মহুৎ শিন্ননবা নোটিফিকেসন অমা মনিপুর ষ্টেট পৱার দিষ্ট্রিব্যুসন কম্পেনি লিমিতেদ (এম এস পি দি সি এল) গী জেনরেল মেনেজর (কম্মর্সিয়েল) ওইনা থৌ পুরিবা এন জি কিরনকুমার না নোটিফিকেসন অমা থোকখ্রে।
কুমশিং ২০২১ গী আগষ্ট থাদা য়ুনিয়ন মিনিষ্ট্রি ওফ পৱারনা থোকখিবা নোটিফিকেসনগী মখা তাবা খোঙথাং অমদা অনৌবা থৌরাং অসী লৌখৎলকপনি হায়রি।মসীনা কঞ্জুমর অমদি লৈঙাক অনীমক্তা চপ মান্ননা কান্নবা ফংহল্লগনি হায়না খঙহল্লক্লি।
হৌজিক কঞ্জুমরশিংনা শীজীন্নরিবা প্রিপেদ মিটরশিং অসীদি লন্নাই কঞ্জুমরনা মৈগী য়ুনিট কয়া শীজীন্নখ্রবগে অমদি শেল কয়া য়াম্না য়াওরিবগে হায়বদু মিটরদা য়েংদ্রবদি খঙবা ঙমদে। স্মার্ট প্রিপেদ মিটরশিং অসীদি মোবাইল এপ্লিকেসন নত্রগা ৱেব পোর্টেলগী খূত্থাঙদা মিটরগী দেটা অদূ য়াম্না লায়না খঙবা ঙম্লগনি। কঞ্জুমরশিংনা সেঙ্কসন লোদ, টারিফ স্লেব, নোংমদা শীজীন্নখিবা মৈগী চাং খঙবগী মথক্তা বেলেন্স য়াম্না য়াওদ্রবা মসীনা লায়না খঙবা ঙম্লগনি। স্মার্ট প্রিপেদ মিটরশিং অসীদি, অপীবা মৈগী লোদতগী হেন্না কনাগুম্বা কঞ্জুমরনা মৈ শীজীন্নবা মতমদসু মথন্তা দিসকন্নেক্ট তৌখিগনি।হৌজিক শীজিন্নরিবা প্রিপেদ সিষ্টেম অসীদদি মসীগী খুদোংচাবা লৈতে হায়রি।
মসীনা লৈঙাক্কি ইনকম অমদি রিভিন্যু কয়ামরূম মাঙখিগদবদগী কনবা ঙম্লগনিসু হায়রি।
You may also like
-
মীয়াম্না তাল্লিবা এন আর সীগী দিমান্দ ফংলগনি হায়বগী অচেৎপা থাজবা লৈরে: এক্স চিফ মিনিষ্টর
-
ষ্টেট এসেমব্লিগী মীফম চত্থরগনি
-
পোৎ-চৈ পুরকপা ট্রক ৬৪৪ ইম্ফালদা চঙলকখ্রে
-
খ্বাইরম্বন্দ কৈথেলদা ঈমাশিংনা সেন্সসকি মায়োক্তা অকনবা খোঙজং চঙশীনখ্রে
-
মাউন্ট মনিপুরদা অথৌবশিংগী নীংশিং থৌরম পাঙথোকখ্রে, অতৈ মফমশিংদসু পাকসন্না পাঙথোক্নখ্রে