অসামগী কছার লমদমগী শক্নায়রবা সোসিয়েল এক্টিভিষ্ট সাইখোম কমলকিন্ত না ঈখঙ খঙহৌদনা লৈখিদবদা তোঙান তোঙানবা লূপ কয়ানা থম্মোয় শোক্না অৱাবা ফোঙদোক্নরক্লি। মহাক্না মনূঙ-মতম চাদনা লৈখিদবদা অৱাবা ফোঙদোকপগী মীফম অমা ঙরাং ওল জিরিবাম য়ুনাইটৈদ ক্লব্স এসোসিয়েসন (অজুকা) গী ওফিসতা পাঙথোকখ্রে।
ওজা কমলকান্তনা হিংলিঙৈ মতমদা মীয়ামগী, খুন্নাইগী য়াইফনবা, চাওখৎপা পুরক্নবা কমদি কাঙলূপশিং অমত্তা ওইনা নুংশি-চান্ননা লৈমিন্ননবা লৌরম্বা থৌদাংশিং অদূবু মীয়াম্না শীংথাখি। মহাক্কি থৱায়না লাইরম্লেন্দা ঈংনা চীক্না লৈরুনবা মিনিট অনী তুমিন্না লেপ্তুনা তাইবং মপূগী মফমদা থৌনিজখি।
থৌরম অদুদা অজুকাগী প্রসিদেন্ট মায়পাকসনা মঙাঙনা হায়, সোসিয়েল এক্টিভিষ্ট ওজা কমলকান্তনা লৈখিদবা হায়বসি খুনাই অসীগী চাউনা মাঙজবা অমা ওইহৌরগনি। মহাক্না মীয়ামগীদমক হোৎনরম্বা কয়া অদূ ঐখোয়না মতম চূপ্পদা কাউঙমদনা লৈহৌরগনি হায়না ফোঙদোকপগা লোয়ননা লৈখিদ্রবগী ঈমূঙ অমদি মরী মতাগী অৱাবদসু মীয়াম্না শরূক য়ারি হায়বা ৱাফম ফোঙদোকখি।
ওল অসাম মনিপুরি ষ্টুদেন্টস য়ুনিয়নগী প্রসিদেন্ট অমসুং এদভাইজর ওইরম্বা ওজা অসীনা মনূঙ-মতম চাদনা লৈখিদবদা কংলৈপাক কনবা লূপ (কে কে এল) নসু অৱাবা ফোঙদোরক্লি। মহাক অসী মশক নাইবা ইদুকেস্নিষ্ট অমা ওইবতা নত্তনা সিলচরদা লৈবা দি এন এন কে গার্লস হায়র সেকেন্দরি স্কুলগী প্রিন্সিপাল ওইনসু থৌ পুরমখি। আসামদা খুন্দারিবা মনিপুরিশিংগী য়াইফনবা থবক-থৌরম কয়া মহাক্না পায়খৎপিরম্মি হায়না কে কে এলগী চেরোল অমদা ফোঙদোরক্লি।
