নিসান কম্পেনিগী অনৌবা “টেকটন” প্রেমিয়ম এস য়ূ ভী লোঞ্চ তৌখ্রে

মমল লূপা লাখ ১০.৪৯ দগী ষ্টার্টিং প্রাইস ওইবা টেকটন হায়না মিংথোনবা খ্বাইদগী অনৌবা প্রেমিয়ম এস য়ূ ভী কার মখল অমা নিসান কম্পেনিনা জুলাই ৯ দা লোঞ্চ তৌখ্রে।
কম্পেনি অসীগী ইন্দিয়াদা লৈবা ৱার্ল্ড প্রেমিয়র দা লোঞ্চ তৌখিবা কার অসীনা চৎলিবা কুমশিং ২০২৬ অসীদা লোঞ্চ তৌবা, কম্পেনি অসীগী অনীশুবা প্রদক্ট ওইরে। টেকটন হায়না খঙনরবা এস য়ূ ভী অসী নিসান কম্পেনিগী চেন্নাই প্লান্টতা শেম-শাবনি। মসী অহানবগী ওইনা টি ১৬০ মেন্যুয়ল ভেরিয়ন্ট কি ওইনা মমল লূপা লাখ ১০.৪৯ ওইরি, অদূগা টি ২৮০ রেঞ্জনা লূপা লাখ ১৪.৯৯ দগী হৌগনি হায়না ফোঙদোরক্লি।
নিসান কম্পেনিগী “ৱান কার, ৱান ৱার্ল্দ ” হায়বা ফিলোসোফিগী মখাদা দেভলপ তৌরিবা এস য়ূ ভী অসী মিদ্দল ইষ্ট অমসুং আফ্রিকাগী মার্কেটশিংদসু এক্সপোর্ত তৌগদৌরি হায়রি। লিজেন্দরি নিসান পেট্রোলনা ইন্সপায়র তৌরবা টেকটন কার অসী চাদা চাম্মাগী চাংদা টর্বোচার্জ তৌরবা ইঞ্জিনগা লোয়ননা টর্বো টি ১৬০ অমসুং টি ২৮০ পৱারট্রেনশিংগা লাইনঅপ তৌরবনি।মসীনা পিএস ১৬৩ অমসুং টোর্ক এনএম ২৮০ ফাওবা য়ৌনা পুথোকপা ঙম্মী হায়না খঙহল্লক্লি।
এস য়ূ ভী অসী স্পিদ মেন্যুয়ল তরূক, ৱেট-ক্লট্চ, দ্যুৱেল-ক্লট্চ ওটোমেটিক ট্রান্সমিসন ওপ্সনশিংদা ফংই। সি-এস য়ূ ভী অসী গূগ্গল বিল্ট-ইন কন্নেক্টিভিটিগা লোয়ননা মপাঙ্গল হাপকৎলগা লাকপনি হায়রি। মসীদা গূগ্গল মেপশিং, গুগ্গল এসিষ্টেন্ট অমদি এক্সেস ২০০ হেনবগী এপ্প হাপ্লি।
মসী পূম্নমক্কি মথক্তা দ্যুৱেল দিজিটেল দিসপ্লেশিং, পেনোরেমিক সনরূফ, প্রিমিয়ম ট্রি-টোন ইন্টরিয়রশিং, ক্লাস -লিদিং ৭০০-লিটর বুট স্পেস অমদি মাইনিসান এপ্প কি খূত্থাংদা কন্নেক তৌরবা ফীচর ৫৫গী মথক্তা য়াওরবনি হায়নসু ফোঙদোরক্লি।
সেফটি ফিচরশিংগী মনূঙদা এয়রবেগ তরুক স্টেন্দর্দ ওইনা, স্টেন্দর্দ সেফটি ফীচর ৪০ হেন্না য়াওবগী মথক্তা এদভান্স দ্রাইভর এসিষ্টেন্স সিষ্টেমশিংসু হাপ্লি।টেকটন গারি অসীগী বুকিংগী খুদোংচাবশিং ইন্দিয়াগী মফম কয়াদা লৈরিবা নিসান দিল্লরশিপ অমদি দিজিটেল প্লেটফোর্মশিংদা হাংদোক্তুনা মীয়ামদা ফংহনবা হৌরে হায়রি।