আই.আই.এম.এ. ভেঞ্চর্স অমসুং এস.এ.পি.না হায়-পোতেন্সিএল স্তার্তঅপ ২৫দা ঙাকলৌ পীরদুনা নোর্থ ইস্ত গ্রোথ লেবকী অনিশুবা কোহোর্ত লোঞ্চ তৌখ্রে

আই.আই.এম.এ. ভেঞ্চর্সনা এস.এ.পি.গা খুৎশম্নদুনা নোর্থ ইস্ত গ্রোথ লেব (এন.ই.জি.এল.) গী অনিশুবা কোহোর্তলোঞ্চ তৌরে হায়না লাউথোক্লদুনা অৱাং-নোংপোক ভারত পুম্বগী হায়-পোতেন্সিএল স্তার্ত-অপ অমসুং সোসিএল এন্তর্প্রাইজ ২৫দগী এপ্লিকেসনশিং কৌরি। প্রোগ্রাম অসিনা অসাম, অরুনাচল প্রদেশ, মনিপুর, মেঘালয়, মিজোরাম, নাগালেন্দ, সিক্কিম অমসুং ত্রিপুরাদগী এগ্রিকলচর, ফুদ প্রোসেসিং, ক্লাইমেৎ, লাইবলিহুদ, বাইওতেক্নোলোজী, ফাইনান্সিএল ইনক্লুজন অমসুং দিপ তেক্নোলোজী য়াওনা সেক্তরশিংদা ইন্নোভেতিব অমসুং স্কেলেবল ওইবা সোলুসনশিং শেম্লিবা ওন্ত্রপ্রিন্যুওরশিং মশক খঙদোক্নবা অমসুং সপোর্ত তৌনবা পান্দম থম্লি। হৌদোকপা অসিনা লমদম অসিদা কেতালাইতিক কেপিতেল, মেন্তরশিপ, মার্কেৎ এক্সেস, অমসুং ইকোসিস্তেম শেমগৎপগী থৌরাংশিংপুনশিনবগী খুত্থাংদা ভেঞ্চর ৪০ হেনবদা হান্না মতেং পাংখিবা খোঙচৎ অদুগী মথংগী পন্দুপ ওইরি। হন্দক্তা, এন্তর্প্রাইজ ৩১নাশেন্থংশিং অমসুং ইনভেস্তমেন্তশিং ওইনা পুন্না লুপা করোর ২.৩৮ ফংখিগা লোয়ননা এন.ই.জি.এল.গী অহানবা কোহোর্তনা সোসিএল এন্তর্প্রাইজ ৪১দা মতেং পাংখি। শরুক য়ারিবা এন্তর্প্রাইজশিংনা শেন্থংশিং, শেন্দোন অমসুং ইক্বিতী ফাইনান্সিংগী খুত্থাংদা অহেনবা লুপা করোর ২.২৯ শাগৎপা ঙমখি। অপুনবা ওইনা, কোহোর্ত অসিনা ললোন-ইতিক্কী খুদোংচাবা ৪৪ হেন্না পুথোকখি অমসুং পার্তনরশিপশিং, পাইলোৎ, পোৎ লৈবগী মতাংদা খন্ন-নৈনবা অমসুং মার্কেৎ এক্সেসকী খুদোংচাবশিং য়াওনা এক্তিব কম্মর্সিএল এঙ্গেজমেন্ত ২৭ তৌহনখি।

গুৱাহাতি, দিমাপুর, ইম্ফাল, অগরতালাদা লৈরিবা স্তার্ত অপশিং অমসুং ফাউন্দরশিংগা উন্ননবা, আই.আই.এম.এ. ভেঞ্চর্সনা অসাম স্তার্ত অপ-নেস্ত, বাইওনেস্ত, আই.আই.তি.জি. তেক্নোলোজী ইন্নোভেসন এন্দ দিবেলপমেন্ত ফাউন্দেসন (তি.আই.দি.এফ.), এদুসেন্তর স্কুল ওফ বিজিনেস (ই.এস.বি.) ইনক্যুবেতর, মনিপুর তেক্নোলোজী ইন্নোভেসন হব (এম.তি.আই.-হব) অমসুং দিরেক্তোরেৎ ওফ আই.তি. অমসুং এন.আই.তি. অরগতালা ইনক্যুবেতরগী মখাদা স্তার্তঅপ ত্রিপুরাগা লোয়ননা খুৎশম্নদুনা জুন ১৫, জুন ১৬, জুন ১৭, জুন ২২ অমসুং জুন ২৪দা রোদশো অমা পাংথোকখি। রোদ শো অসিদা ফাউন্দর ১৭৫ রোমগী ময়ানা শরুক য়াখি। এন.ই.জি.এল. প্রোগ্রামগী কান্নবশিং শন্দোক্না তাকপা অমসুং ফাউন্দরশিংগা ৱারী শানবগী মথক্তা, রোদ শো অসিদা ফাউন্দরশিংদা মখোয়গী স্তার্তঅপকী তোপ তোপ্পা ভেল্যু প্রোপোজিসন অমসুং মখোয়গী মতিক চাবা কস্তমর প্রোফাইল অমসুং সেগমেন্ত অদু হেন্না ফজনা খঙবা অমসুং ফোংদোকপা ঙমহনবদা মতেং পাংলিবা ভেল্যু প্রোপোজিসন ৱার্কশোপ অমা য়াওখি। ভারতকী স্তার্ত-অপ ইকোসিস্তেম্না ত্রেদিস্নেল ইন্নোভেসন হবশিংগী ৱাংমদা পাকথোক চাউথোকপা লেপ্তনা হেনগৎলকপগা লোয়ননা, অৱাং নোংপোক ভারত অসি শিংথানীংঙাই ওইবা ওন্ত্রপ্রিন্যুওরসিপ পোতেন্সিএল লৈবা লমদম অমা ওইনা থোরক্লি। অনিশুবা কোহোর্তকী খুত্থাংদা, এন.ই.জি.এল.না ফন্দ ফংহনবদা মতেং পাংদুনা, তুংকোইনা চৎনবা য়াবা বিজিনেস মোদেলশিং শেমগৎতুনা, ইনভেস্তরশিং অমসুং কোর্পোরেৎশিংগা শম্নদুনা অমসুং লমদম অসিগী ৱাংমদা চাউখৎপগী খুদোংচাবশিং ফংহন্দুনা মসিগী খোঙজেল অসি মপাঙ্গল কনখৎহন্নবা পান্দম থম্লি।

খনগৎলবা ভেঞ্চরশিংদা মশাগী ওইবা মেন্তরশিপ, কেপাসিতী বিল্দিং সপোর্ত, ইনভেস্তর এক্সেস, স্ত্রেতেজিক গাইদেন্স অমসুং ইকোসিস্তেম পার্তনরশিংগী নেৎৱার্ক্কা থবক তৌমিন্নবগী খুদোংচাবশিং ফংহল্লগনি। প্রোগ্রাম অসিনা এন্তর‌প্রাইজ গ্রোথ অমসুং মার্কেৎ এক্সেসকীদমক্তা হেন্না মপাঙ্গল লৈবা লম্বী শেম্নবা দিবেলপমেন্ত ইন্সতিত্যুসনশিং, ইনভেস্তরশিং, কোর্পোরেৎশিং অমসুং সরকারগী স্তেকহোল্দরশিংগা মখা তানা নক্না থবক তৌমিন্নগনি। হৌদোকপগী থৌরম অদুদা ৱা ঙাংলদুনা, আই.আই.এম.এ. ভেঞ্চর্সকী পার্তনর – ইনক্যুবেসন, চিন্তন বাক্ষিনা হায়খি, “অৱাং-নোংপোক লমদম অসি পাকচাউনা শীংনবশিং অমসুং খুদোংচাবশিং কোকহন্দুনা, লোকেল রিএলিতিশিংদা মপুং ফানা য়ুম্ফম ওইবা ওন্ত্রপ্রিন্যুওরশিংগী সোলুসনশিংগী অচৌবা অমসুং চাউখৎলক্লিবা কম্ম্যুনিতীগী লমদম ওইরি। নোর্থ ইস্ত গ্রোথ লেবকী খুত্থাংদা, ঐখোয়না ফাউন্দরশিং অসি মখোয়গী গ্রোথকী খোঙচৎ অসি য়াংখৎহনবদা মথৌ তাবা রিসোর্সশিং, নেৎৱার্কশিং অমসুং মার্কেৎকী খুদোংচাবশিং ফংহনবদা মতেং পাংনবা লেপ্পী। মমাংগী কোহোর্তশিংদগী ফংবা মপাঙ্গল কনবা মহৈশিং অসিনা লমদম অসিগী চাউরবা ওন্ত্রপ্রিন্যুওরশিপ পোতেন্সিএল অদু অমুক হন্না ফোংদোক্লি অমসুং ঐখোয়না অৱাং-নোংপোক ভারতকী ভেঞ্চরশিংগীমথংগী মীরোলদা মতেং পাংনবা ঙাইরি।” নোর্থ ইস্ত গ্রোথ লেবকী অনিশুবা কোহোর্তকীদমক্তা এপ্লিকেসনশিং হৌজিক কৌরি। ভেঞ্চরশিং অসি ইন্নোভেসন, স্কেলেবিলিতী, ইম্পেক্ত পোতেন্সিএল, অমসুং লমদম অসিদা তুংকোইনা হিংনবগী লম্বী অমসুং শেন্মিৎলোনগী খুদোংচাবশিং শেমগৎপগী মখোয়গী তৌবা ঙম্বদা য়ুম্ফম ওইরগা ইভেল্যুএৎ তৌগনি।