মনিপুরনা ইন্দিয়াগী ষ্টেট অমদি য়ুনিয়ন টেরিটোরিশিংগী মনূঙদা খ্বাইদগী চাওখৎপা লমদম অমা ওইননবগী মতীক-ময়াই পূম্নমক লৈজৈ। নহারোলশিংদা অফবা ৱাখল শাগৎহনবা, মরৈবাক নীংবগী ৱাখল পোকহনবা অমসুং শেমগৎ-শাগৎপগী থবকশিং লেপ্তনা পায়খৎলবদি মনিপুরনা ইন্দিয়াগী মনূঙদা খ্বাইদগী চাওখৎপা লমদম অমা ওইবা ঙমগনি হায়না চিফ মিনিষ্টরগী ষ্টেট এদভাইজর দা.এস ক্রিষ্ণনন্দ না ফোঙদোকখ্রে।
বন মহোৎসব ২০২৬ কি শরূক অমা ওইনা ঙরাংসু রিজনেল ইন্সটিট্যুট ওফ মেদিকেল সাইন্সেস (রিম্স) ইম্ফালনা শীন্দুনা পাঙথোকখিবা উ চারাশিং থাখিবা থৌরমগা লোয়ননা “এক পের মা কে নাম” হায়বা থৌরম অমা পাঙথোকখিবদা অথোয়বা মীথূঙলেন ওইনা শরূক য়াখিবা দা.এস ক্রিষ্ণানন্দ না ৱাফম অসি ফোঙদোকখিবনি।
পি এম ওগী মীৎয়েং মখাদা মনিপুরনা লৈবাক অসিদা খ্বাইদগী হেন্না চাওখৎপা লমদম অমা ওইননবা থবক পায়খৎলি হায়না মহাক্না মখা তাখি। উ চারাশিং থাবগী থৌরমদুদা আই এম এ এপ্রোচ রোদতগী রিম্স ইম্ফালগী মেইন গেট ফাওবা শীৎ-শেংবগী থবক পায়খৎখি। রিম্সকি দিরেক্টর প্রোফেসার জি সুনিল কুমার শর্মা, হোস্পিটাল অসীগী মেদিকেল সুপেরিনটেনদেন্ট প্রোফেসার এন সঞ্জিব সিংহনচিংবা শরূক য়াখি।
You may also like
-
নোং মরক্তা সেন্সসকি মায়োক্তা প্রোটেষ্ট তৌরিঙৈ ত্যার গ্যাস কাপশীল্লকপদা খোঙজঙলোয় নূপী অহুম শোক্লে
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে