খুদোংচাদবা কয়ামরুম মায়োক্নরবসু থবক লেপ্তনা চঙশীল্লকপনা ঙসীদি জিরিবাম-ইম্ফাল রেল লম্বী শেম্বা চাদা ৭২ মপূঙ ফানা লোইশিল্লক্লে। হৌজিক ফাওবা জিরিবাম মনাক্কি খোংশাং রেলৱে ষ্টেসন ফাওবা কম্মিসন তৌবা ঙমখ্রে। মপূঙ ফানা রেল চেলহনবদি তৌদ্রি।
চীঙগী লম ওইবা অমসুং অকনবা নোং লেপ্তনা চুবদগী টন্নেলশিং হূৎপদা খুদোংচাদবা কয়ামরুম মায়োক্নরি হায়রি। রেল লম্বী অসী ইম্ফাল য়ৌরক্লবা মতমদুদদি শেল ইচঙ চঙদনা অতোপ্পা ষ্টেটতগী ইম্ফালদা পোৎ-চৈ পুশিল্লকপা ঙম্লগনি। ষ্টেট অসীগী মীয়াম্না অতোপ্পা ষ্টেটশিংদা চত্থোক-চৎশীন তৌবদসু ঈরায় লায়না, শেল য়াম্না চঙদনা খুদোংচাবা ফংলগনি।
নোর্থ ইষ্ট ফ্রন্টিয়র রেলৱেগী দিপ্যুটি চিফ ইঞ্জিনিয়র মহম্মদ সেমৱেলনা হীরম অসীগা মরী লৈননা হায়, জিরিদগী ইম্ফাল ফাওবগী রেল লম্বীগী অশাংবসি পূন্না কিলোমিটর ১১০ নি। মসীগী মনূঙদা কিলোমিটর ৫৫ দি মাঙজৌননা লোইশিনখ্রবনি। হৌজিক ফাওবগী ওইনা চাদা ৭২ লম্বী শেম্বা লোইখ্রে। চৎলিবা চহী অসীগী মনূঙদা অৱাং খুল ফাওবা রেল লম্বী শেম্বা লোইশিল্লগনি হায়না মহাক্না ফোঙদোকখি।
You may also like
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর
-
ট্রকশিং মতম চানা ইম্ফালদা য়ৌরকখ্রে
-
মীয়াম্না তাল্লিবা এন আর সীগী দিমান্দ ফংলগনি হায়বগী অচেৎপা থাজবা লৈরে: এক্স চিফ মিনিষ্টর