এয়রপোর্ট অথোরিটি ওফ ইন্দিয়া (এএআই) না হায়জরকখিবগী মতূঙ ইন্না ইম্ফালগী বির টিকেন্দ্রজিৎ ইন্টর্নেস্নেল এয়রপোর্ট অসীগী মনাক নকপা মফমশিংদা অনমেন এরিয়েল সিষ্টেমশিং পাইবা য়ারোই হায়না ইম্ফাল ৱেষ্ট দিষ্ট্রিক্টকি দিপ্যুটি কম্মিস্নার ময়াংলম্বম রাজকুমারনা অনৌবা নোটিফিকেসন অমা থোকখ্রে।
মসীগী মতূঙ ইন্না এয়রপোর্ট অসীগী মনাক্তা দ্রোন,বেলুন, গ্লাইদর, পেরা মোটোর, তেলঙ্গা, গাইরোপ্লেন, মাইক্রো ফ্লাইট, হেং গ্লাইদিংনচিংবা অমত্তা পাইথোক-পাইশিন তৌবা য়াররোই হায়রি।
কনাগুম্বনা সিষ্টেমশীং অসী পাইজগে হায়বা তারবদি মাঙজৌননা দিরেক্টর জেনরেল ওফ সিভিল এভিয়েসন, সিভিল দিফেন্স, লোকেল অথোরিটিনচিংবদগী অয়াবা লৌহৌবা মথৌ তাই হায়না দিপ্যুটি কম্মিস্নারগী নোটিফিকেসন অদূদা পল্লি।
