হান্না মনিপুরগী দিপ্যুটি চিফ মিনিষ্টর ওইনা লৈরম্বা য়ূম্নাম জয়কুমার মতম খরা এন পি পিদা লৈরম্লবা মতূঙদা পিপল্স দিমোক্রেটিক এল্লাইন্স (পি দি এ) দা চোংশিনখিবগা লোয়ননা অনৌবা পার্টী অসীগী প্রসিদেন্ট ওইনা থৌ পুবা হৌখ্রে। এন পি পি তেরা লাই মূত্থৎলবা মতূঙদা ইন্দিজিনস রিজনেল পার্টি অসিদা য়াওশীন্দুনা হেন্না মপাঙ্গল কনখৎনবা হোৎনরকপনি।মনিপুরদা থোক্লিবা হীঙশাগী ঈরাং অসি মৈতৈ অমসুং নাগা অনী পূন্সীন্দুনা লোইশিনবা মথৌ তাই হায়না জয়কুমার না ফোঙদোকখ্রে।
ঙরাং য়ূম্নাম কেশো কম্যুনিটি হোলগী কনফরেন্স হোলদা পি দি এগী জেনরেল বোদী মীফম অমগা লোয়ননা অনৌবা থৌ পুবশিং খনখি। য়ূম্নাম জয়কুমারনা প্রসিদেন্ট, ৱার্কিং প্রসিদেন্ত ওইনা এল থে, ভাইস প্রসিদেন্ট ওইনা আর কে রামেশ্বর, মাহিরাজ রাইথিং অমসুং রুসেল হৈস্নাম্বু খনখি অদুগা এন দিতেনবু ট্রেজরর ওইনা খনখি।
