হৌখিবা মে ১৩ দা কুকি মিলিটেন্টশিংনা লৈলোন ৱাইফৈ ভিল্লেজদগী ফাদুনা পুখিবা নাগা মীচম তরুক অদূ নুমিৎ ২৮ নি লৈরবা মতূঙদা লৈলোন ৱাইফৈ খুল মনাক্তগী অশীবা হকচাং ওইনা সেক্যুরিটি ফোর্সনা ফংবা ঙমখ্রে।
নাগা কম্যুনিটিগী ভিল্লেজ ভল্লন্টিয়রশিংনা ফাজীন্দুনা থম্লম্বা কুকি ১৪ , নুমিৎ ২৭ নিগী মনূঙদা তেক্তা-কায়দনা থাদোরকখ্রবা মতূঙ, মথঙগী নুমিত্তা নাগা তরূক্কি হকচাংশিং অদূ অশীবা ওইনা শিন্নরকপনি। থৌওং অসীনা নাগা কম্যুনিটিখক্তা নত্তনা লমদমসিদা লৈরিবা কম্যুনিটি পূম্নমক্কি থম্মোয় কায়হল্লে হায়না মায়কৈ কয়াদগী ফোঙদোক্নরক্লি।
হকচাং ৬ অদূ কা হেন্না পুমথরবা ওইবনা মশক খঙবা ফাওবা ঙমদ্রে হায়রি। মসীনা তাক্লিবদি মখোয়বু ফাখিবা নুমিৎ মে ১৩ অদূমক্তদা মখোয়বু হাৎখিবা ওইগনি হায়রি।লৈঙাক্কি ইন্টলিজেন্স এজেন্সিশিং, সেন্টর অমদি ষ্টেট লৈঙাক্না ৱাফম অসী য়াম্না ঙল্লিঙৈদগী খঙখ্রবনি অদূবু নাগা ভল্লন্টিয়রশিংনা ফাজীনখিবা কুকি ফূরূপকি মীওই ১৪ অদূগী মরায়বক তম্বা ঙমদবা ফীভম অমদা লৈখিগদবা অদূগী য়েংলগা ফোঙদোক্তনা থম্লকখিবনি হায়না থাজবা য়াবা লীখূন খরনা ফোঙদোক্নরক্লি।
নাগা কাঙলূপকী মীওই ৬ অদূগী থৱায় য়াওদ্রবা হকচাংশিং অদূ ঙরাং রিম্সকি মোর্চুৱারিদা পুরকখ্রে। ঙসী পোষ্ট মোর্টেম চত্থরবা মতূঙদা ঈমূঙগী মীওইশিংদা শিন্নখ্রগনি।
You may also like
-
মনিপুর স্পোর্টস ক্লাইম্বিং এসোসিয়েসনগী ফাউন্দেসন দে থৌরম পাঙথোকখ্রে
-
ট্যুবরকুলোসিস মরূ ফংনা মুত্থৎনবা পান্দমদা সেন্সিটাইজেসন পাঙথোকখ্রে
-
মীহাৎপদা চেন্নরে খঙলফাও মরাল লৈবশিংগী মথক্তা লৈঙাক অসীনা এফ আই আর অমত্তা লৌখৎপা লৈত্রিবসি লাইবক থীবনি : মনি
-
আই সি আই সি আই প্রুদেন্সিয়েলনা মেচ্যুরিটি বেনিফিট, লাইফ কভরগা লোয়নরবা য়ুলিপ লোঞ্চ তৌখ্রে
-
ৱারী লীবা ফেষ্টিভেল লোইশিনখ্রে