দিলিমিটেসন, সেন্সস ওপরেসনগী মায়োক্তা মীয়ামগী অচৌবা রেল্লি চৎকদৌরি

সেন্টর অমদি মনিপুর লৈঙাক্না দিলিমিটেসন অমদি সেন্সসকি থবক-থৌরমশিং মনিপুরদা পায়খৎনবা হোৎনরক্লিবসিগী মায়োক্তা মীয়ামগী অচৌবা রেল্লি অমা লাক্লিবা জূন ৮ দা পাঙথোক্কদৌরি। দেলিমিটেসনগী থৌরাং তৌরক্লিবা অমদি কুমশিং ২০০১ দা পাঙথোকখিবা সেন্সসকি দেটা শীজীন্নদুনা থবক থৌরমশিং পায়খৎলিবা অসীগী মায়োক্তা লূপ ১৪ না শীন্দুনা মীয়ামগী অচৌবা রেল্লি অমা পাঙথোক্লগনি হায়না সি এস ও ১৪ গী কনভিনর নহাকপম সান্তনা পাউমীশিংদা ফোঙদোকখিবনি।ইম্ফালগী কৈশাম্পাত্তা লৈরিবা ইন্তর্নেস্নেল পিচ এন্দ সোসিয়েল এদভান্সমেন্ট ঈপসাগী ওফিসতা পাঙথোকখিবা প্রেস মিট অদুদা সান্ত না হায়, সেন্তর অমসুং ষ্টেটনা পায়খৎলক্লিবা দেলিমিটেসন অমদি ইলেক্টোরেল প্রোসেসকি থৌশিল অসী সি এস ও ১৪ গী মখাদা শেম্লিবা জোইন্ট কম্মিটিনা মীয়ামগা লোয়ননা অঙম্বা থাক্তা থিংননবা হোৎনরগনি।

ঈপসা, কে এস এ অমদি ৱাখল্লোন মান্নবা অতৈ রাজনিটি দলশিংগা খূৎশম্নরগা লৈঙাক্কি অরানবা থৌশিল অসী মায় পাকহন্দনবা হোৎনগনি। মসিদা মনিপুরগী মীয়াম্না মপূঙফানা মতেং পাংবিয়ু হায়না সান্ত না ফোঙদোকখি। কুমশিং ২০০১ গী সেন্সস দেটা অদূ নিয়ম চুমদবা, অরানবা দেটা অমনি।মাও, মারাম, পাউমাটা, পুরুল,সাইটু-গম্ফাজোল, মোরে, চুরাচান্দপুর, মচি,কসোম খুল্লেন্নচিংবা সব-দিভিজন ৯ দা মহৌশাগা মান্নদবা মওংদা মীশীং কা হেন্না হেঙ্গৎলকপা থেংনখিবা সেন্সস অদূগী দেটাদা য়ূম্ফম ওইদুনা লৈঙাক্কি চাওখৎ-থৌরাংগী পোলিসি-প্রোগ্ৰামশিং পায়খৎপিগনু, মদূ তশেংনা অরানবা দেটা অমনি হায়না মনিপুরগী মীয়াম্না মতম কয়াগী মমাঙদগী তকশীন্দুনা লাকখিবনি।

অদূম ওইনমক লৈঙাক্না ঙসীফাওবা থৌশাদনা লৈরক্লি হায়খি। অসীগুম্বা অরানবা থৌওংশিং মখাতানা চত্থরক্লবদি মীয়ামগী অকনবা ঈহৌ অমা লৈঙাক অসীনা মায়োক্ননবা শেম শাগদবনি হায়বা ৱাফম শান্ত না ফোঙদোকখি।