হৌখিবা কুমশিং ২০২৩ গী মে অহূমদগী কুকি-নার্কো টেরোরিষ্টশিংনা মনিপুরগী শক্তম মচেৎ কয়া থোক্না থুগাইননবা হোৎনরক্তুনা, কুকি-জো শিংগী তোখাইবা লমদম অমা থম্ননবা ঈহৌ শাগত্তুনা, মৈতৈ অমসুং নাগা কাঙলূপ অনীগী মথক্তা লাল হৌরক্তুনা মীচম চা কয়ামরুম হাৎলিবা, কয়া অমগীনা ময়ূম -মকৈ মৈনা তুম্না থাদোকখিদুনা লাঞ্জেন্নহল্লিবা অসী প্রাইম মিনিষ্টর নরেন্দ্র মোদী অমসুং য়ুনিয়ন হোম মিনিষ্টর অমিট শাহনা খঙনা খঙনা তূমিন্না লৈশিল্লিবা অসী য়াম্না লাইবক থীবনি হায়না সোসিয়েল ৱার্কর অমসুং ফাউন্দেসন ফোর রুরেল অর্বান দেভলপমেন্টগী প্রসিদেন্ট এল তোম্বনা ফোঙদোরক্লি।
মালেমদা শান্তি পুরক্নবা পাউজেল্লিবা প্রাইম মিনিষ্টর মোদিগী লৈবাক মনূঙচন্না লৈরিবা মনিপুর অসী ঙসী ফাওবা চহী অহূম হেন্না কাঙলূপ মশেলগী হীঙশাগী ঈরাঙদা মৈ চাক্লি। প্রাইম মিনিষ্টরনা মালেমগী মীয়ামদা শান্তিগী পাউজেল পীরিঙৈ চৈরক্তা মহাক্কি মরৈবাক্তি তুম্না চাকখ্রগনি হায়বসি খন্থহৌবা চুমগনি হায়না তোম্বনা ফোঙদোকখি।
মনিপুরগী ঈরাঙ অসী মূত্থৎনবা, ৱারোয়শিন পুরক্নবা হোৎনবগী মহূৎ, হেন্না ঈরাং থোকহন্নবা, ইন্দিয়া লৈঙাক্না অরোনবা খূজীন-থৌরাংগী মখাদা ঈন্সীনবা য়াওরব্রা হায়বগী চিংনবা অমা মনিপুর মীয়ামগী পূক্নিং -ৱাখলদা ফাওরে হায়বা ৱাফম তোম্বনা থমখি।
লান অসী লেপহনবিয়ু, মী মশেল মরক্তা হাৎনহন্নবা থৌরাং তৌবিগনু, তুংলমচত্তা মীয়াম্না ফৈ হায়না শোন্নহৌনবা থবক পায়খৎপিয়ু হায়না মহাক্না মখা তাখি।
You may also like
-
কুকিশিংদা চানা-থক্নবা পোৎলমশিং পীরম্বগীদমক নাগা অনী ফারগা ফূধখ্রে
-
সাহাম্ফুং -কামজোং ফাওনরিবা বেল্লি ব্রিজ শকখঙদবশিংনা বোম কাপশীন্দুনা থুগাইরম্লে
-
কংগ্ৰেস অমসুং বি জে পি অনীনা অমনা অমগী মায়োক্তা প্রোটেষ্ট তৌনরি
-
নূংবা কম্যুনিটি হেল্থ সেন্টরদা মৈ ফংদবদগী অঙাঙ উনবগী থবক্তা দাক্তরনা টোর্চ লাইট শীজীন্নরি: পুয়া
-
মনিপুরদা শান্তি পুরক্নবা হোৎনবদা মপাঙ্গল কানখ্রে, হাত্যারগা লোইননা মিলিটেন্ত ৪৬ লানথাখ্রে