কুকি নেস্নেল আর্মী -বর্মা (কে এন এ -বি) অমসুং পিপল্স দিফেন্স ফোর্স (পি দি এফ) না ইন্টর্নেস্নেল বোর্দর লান্সিল্লক্লগা মৈ থাদোক্লম্বতা নত্তনা খুলগী লন-থুম, য়ূমদা থম্বা গারিনচিংবা লুট তৌদুনা পুখিবা, নোংমৈ মশীঙ খঙদনা কাপশীন্দুনা মীচমশিং মিপাইহনবদগী লাঞ্জেন্নদুনা উমং-ৱামঙশিংদা চঙজফম লৌদুনা লৈরিবা কামজোং দিষ্ট্রিক্টকি ম্যান্মার বোর্দরগা তাইনবদা লৈরিবা নম্লি, ৱাংলি অমসুং চোরো, হায়রিবা তাঙ্খুল নাগাশিংনা খুন্দারিবা মফমশিং অসীদা মনিপুর প্রদেস কংগ্ৰেস কম্মিটি (এম পি সি সি) গী টিম্না চত্তুনা য়েংশিনখ্রে।
অৱাবা মায়োক্নরবা, লাঞ্জেন্নরিবা খুঞ্জাশিং অদুদা নোংমগী চঙদবা য়াদ্রবা পোৎলমশিং য়েন্থোকখিবনি। অৱাবা তারবা খুঙ্গং অহুম অদূগী মীয়ামদা মনিপুর লৈঙাক্কি মায়কৈদগী করিগুম্বা মখলগী মতেঙ অমত্তা পাংলক্তবদা এম পি সি সীগী টিম অদূনা পেন্দবা ফোঙদোকখি।
খুঙ্গংশিং অদূদা হেল্থক্যের, ইলেক্ট্রিসিটি অমদি মোবাইল নেটৱার্ক কি খুদোংচাবা অমত্তা ফংদ্রি হায়রি। খোঙচৎ অদূদা এম পি সি সীগী ৱার্কিং প্রসিদেন্ত অমসুং ফূংয়ার কেন্দ্রগী হান্নগী এম এল এ ভিক্তর কৈশীং, হান্নগী মিনিষ্টর দা. কে ঐচ রতনকুমার, এম এল এ ওক্রম সুর্জকুমারনচিংবা কয়া শরূক য়াখি।
You may also like
-
কুকিশিংদা চানা-থক্নবা পোৎলমশিং পীরম্বগীদমক নাগা অনী ফারগা ফূধখ্রে
-
সাহাম্ফুং -কামজোং ফাওনরিবা বেল্লি ব্রিজ শকখঙদবশিংনা বোম কাপশীন্দুনা থুগাইরম্লে
-
কংগ্ৰেস অমসুং বি জে পি অনীনা অমনা অমগী মায়োক্তা প্রোটেষ্ট তৌনরি
-
নূংবা কম্যুনিটি হেল্থ সেন্টরদা মৈ ফংদবদগী অঙাঙ উনবগী থবক্তা দাক্তরনা টোর্চ লাইট শীজীন্নরি: পুয়া
-
মনিপুরদা শান্তি পুরক্নবা হোৎনবদা মপাঙ্গল কানখ্রে, হাত্যারগা লোইননা মিলিটেন্ত ৪৬ লানথাখ্রে