লদাখ পুলিসকি চিফ ওইনা লৈরকখিবা মুকেস সিংহ,আই পি এস, এজিএময়ুটি: ১৯৯৬ কেদর, ঙসীদগী হৌনা মনিপুরগী দিরেক্টর জেনরেল ওফ পুলিস (দি জি পি) ওইনা থবক পুবা হৌরগনি। মহাক হৌখিবা মে ৩০ দা ইম্ফালগী বির টিকেন্দ্রজিৎ ইন্টর্নেস্নেল এয়রপোর্টতা থুংলখিবনি।
মনিপুর লৈঙাক্কি দিপার্টমেন্ট ওফ পার্সনেল এন্দ এদমিনিষ্ট্রেটিব রিফোর্মস (পার্সনেল দিবিজন) গী জোইন্ট সেক্রেটরি বিজানন্দ চবূংবম্না থোকখিবা ওর্দর অমগী মতূং ইন্না, সেন্টর লৈঙাক্কি মরী লৈনবা অথোরিটি না হৌখিবা মে ২১ দা থোকখিবা ওর্দর অমগী মতূং ইন্না ইন্টর কেদর দেপ্যুটেসন্দা মুকেস সিংহ অসী এজিএময়ুটি কেদরদগী মনিপুর কেদর ওইনা ট্রান্সফর তৌখিবগী মতূঙ ইন্না, মহাক্না জূন ১ দগী মনিপুরগী দি জি পি ওইনা থবক পুননবা অয়াবা পীরে হায়না ফোঙদোকখি।
হৌখিবা থাংজা নুমিৎ, মে ৩০ দা মহাক্না ইম্ফালগী এয়রপোর্টতা হেক থুংলখিবা মতমদুদা পাউমীশিংনা মনিপুরগী হৌজিক ওইরিবা ঈরাং গী ফীভমশিং, লো এন্দ ওর্দরগী ফীভমশিং অসী য়েংলগা মনিপুরগী দি জি পি অমা ওইনা করম্বা থবক্না খ্বাইদগী অহানবা ওইনা লৌখৎকদগে হায়বা ৱাহং অমগী পাউখুমদা রাকেসনা, মহাক দিজিপি অমা ওইনা জোইন্ট তৌখিগে, মদূগী মতূঙদা করি-করম্বা থবক্না অহানবদা পায়খৎকদগে হায়বদু য়েংশিনগে হায়না ফোঙদোকখি। মখা তাবা ৱাহংশিংগী পাউখুমদি থোইনা কম্মেন্ট পীরমখিদে।
মনিপুরগী হান্নগী দি জি পি রাজিব সিংহদি য়ুনিয়ন কেবিনেট সেক্রেটরিয়েত্তা সেক্রেটরি (সেক্যুরিটি) ওইনা থৌ পুননবা মাঙজৌননা এপ্পোইন্ট তৌখ্রবনি।
You may also like
-
নুমিৎ ১৫ নি চত্থগদবা সম্মর খো খো কোচিং কেম্প ঙরাংদগী হৌদোকখ্রে
-
মনিপুরদগী এন দি এগী রাজ্য সভা মীরেপ ওইরিবি এ সার্দা মায় পাক্লে হায়না লাউথোকখ্রে
-
টুটেল সটদাওনগী খোঙজঙশিংনা চীঙগী দিষ্ট্রিক্টশিংদা চাউনা অকায়বা পীরে
-
হান্নগী দিপ্যুটি চিফ মিনিষ্টর য়ূম্নাম জয়কুমার পি দি এগী প্রেসিদেন্ট ওইরে
-
এয়রপোর্ট মনাক্তা দ্রোন্নচিংবা অমত্তা পাইবা য়াররোই