হৌখিবা মে ৩০ গী নুমিদাং পূং ৭:৪০ রোম খরা হেল্লকপা অদূৱায়দা বিষ্ণুপুর দিষ্ট্রিক্টকি মনূঙচন্না মোইরাং পুলিস ষ্টেসনগী জুরিসদিক্সন মখাদা লৈরিবা মোইরাং লমখায়দা, মশামক্কি লোয়নবীমক্না থাঙনা থিনবদগী মপূরোইবা অমা লায়কন্নবা নংদনা লৈখিদ্রে।
মোইরাং লমখায়দা লৈবা ব্লূ বেল হায়না মিংথোনবা হোটেল অমদা থৌদোক অদূ থোকখিবনি। লৈখিদ্রবা মপূরোয়বা অদূ মোইরাং ম্যুনিসিপাল কাউন্সিল, ৱার্দ নম্বর ১০ গী মনূঙ চনবা মোইরাং খোইরু মখা লৈকায়দগী পুখ্রম্বম প্রেমকুমার (৪৫), অপোকপা লৈখিদ্রবা পুখ্রম্বম অঙৌ কৌই অদূগা মহাক্কি ওই-থংবা পূকচেপ্তা থাঙনা থিনখিবি মহাক্কি লোয়নবী অদূগী মিংনা ময়াংলম্বম নিঙোল পুখ্রম্বম ওঙবী বেম এলাইজ মনিতোম্বি (৩৯) কৌই হায়রি।
লৈকায়গী মীওইশিংনা শোক্লবা প্রেমকুমারবু মোইরাংদা লৈবা কম্যুনিটি হেল্থ সেন্তরদা খূদক্তা পুখৎখি অদূবু হোস্পিটালদু য়ৌরকপদা লৈখিদবনি হায়রি। মোইরাং পুলিসনা লৈখিদ্রবা প্রেমকুমারগী থৱায় য়াওদ্রবা হকচাং অদূ লৌখৎলগা রিম্সকি মোর্গ তা থমখ্রে।
থৌদোক অদূগী অশেংবা মরম হৌজিক ফাওবগী ওইনা খঙবা ঙমদ্রি, অদূম ওইনমক পুলিসনা এফ আই আর অমা লৌখত্তুনা থিজিনবা হৌখ্রে। মখোয় অনীগী মচানূপী অনীগা মচানূপা অমগা লৈরে। মচানূপী অনীদুদি ময়ূম পানখ্রে হায়না পুলিসকি পাউ অমনা ফোঙদোকখি।
মপূরোইবা হাৎপনি হায়রিবা মনিতোম্বি মোইরাং পুলিস না ফাগৎখ্রে, মহাক্না মপূরোইবা হাৎপদা শীজীন্নখিবা থাঙ অদূসু পুলিসনা রিকোভর তৌখ্রে।
You may also like
-
জর্নেলিষ্টশিংগী থাগী পেন্সন লূপা লিশীং তরা পীরগনি, ফেমিলি পেন্সন্না লিশীং তরেত্তা হেঙ্গৎলগনি: সি এম
-
জর্নেলিষ্টশিংগী থাগী পেন্সন লূপা লিশীং তরা পীরগনি, ফেমিলি পেন্সন্না লিশীং তরেত্তা হেঙ্গৎলগনি: সি এম
-
বিল্ডিং বাই-লো ঙাক্না য়ূম শাবিয়ু: কম্মিস্নার
-
উমংলাই কন্সি, কাঙলোন চুম্না হরাওসি হায়বসিদা মীফম পাঙথোকখ্রে
-
রিম্স অসী এইম্সকী থাক্তা অপগ্ৰেদ তৌনবগী অয়াবা পীরক্লে: সর্দা