ট্রোংলাউবীগী টেরোরিষ্ট এত্তেক অমসুং টিএম কাসোম ভিল্লেজদা কুকি মিলিটেন্টশিংনা মীচম হাৎখিবগী জষ্টিস ফংহন্দ্রিফাওবা ৱাংজিংদা শাগৎপা বি দি ওগী ওফিস শঙ্গাবা য়ারোই হায়দুনা থৌবাল দিষ্ট্রিক্টকি মশীং য়াম্লবা মীয়াম্না লম্বী থিংদুনা চঙশীল্লকখিবা হীঙশা য়াওবা খোঙজঙদা মীওই অনী শোক্লে।লৈখাগী লম্বীদা চিফ মিনিষ্টরনা ওফিস অদূ শঙ্গানবগীদমক লাকপদা মশীং য়াম্লবা মীয়াম্না লম্বী থিংজিনখিবদগী হেলিকোপ্তর তোংদুনা লাক্লবা মতূঙদা বি দি ওগী ওফিস অদূ মীয়ামগী অথীংবা থুগাইরগা নম্ফূদা শঙ্গাখ্রে।
থা অসীগী ২০ গী নুমিদাং অথেঙবদগী হৌনা থৌবাল, ৱাংজিং, খাঙবোক, খোংজোম, য়াইরিপোক্নচিংবদগী মীয়াম হৌরক্তুনা, চিফ মিনিষ্টরনা শঙ্গাননবা শেম-শাদুনা লৈরিবা বি দি ওগী ওফিস অদূ অমাঙ-অতা থোকহল্লমখিবনি।মফমদু ঙাক-শেন্দুনা লৈবা ভি দি এফ পার্সনেল অমা মীয়াম মরক্তগী মীওই খরনা এত্তেক তৌরকপদা য়াম্না অরুবা ফীভমদা কোক্কি শরূক্তা শোকখিবদগী হৌজিক নোর্থ এ ও সিদা লৈবা রাজ মেদিসিটিদা অরুবা ফীভমদা লায়কন্নদুনা লৈরিবনি।
ঙরাংসু মীয়াম্না চঙশীল্লকখিবা খোঙজঙ অদু ঙাকথোক্নবা হোৎনবদা পুলিসনা নোংমৈ কাপথোরকপদা হৈরোক্তগী এলাংবম নন্দকুমার কৌবা মীওই অমা মবূক্তা নোংমৈনা পানবদগী হৌজিক রাজ মেদিসিটিদা মহাকসু লায়কন্নদুনা লৈরি।
You may also like
-
দা. শ্যামদা দিরেক্তরগী চার্জ পীরকপদা হাল না হরাও-নুঙাইবা ফোঙদোরক্লি
-
মনিপুরগী ঈরাং অসী সেন্টর লৈঙাক্না ফোরেন কন্ট্রি অমদা থোকপা থৌদোক অমগুম লৌরি: এম পি বিমোল
-
মীহাৎ-মীপূনগী থৌদোকশিং য়ানীংদবা ফোঙদোক্তুনা উকিলশিংনা ৱাকৎ মীফম চত্থখ্রে
-
য়াইরিপোক মায়কৈদা মীয়াম্না লৈঙাক্কি ওফিস ছো লোন্সীনখ্রে, মহৌশাগী পুন্সিদা চাউনা অকায়বা পীরে
-
টোটেল সটদাওনগী খোঙজঙ অসী মীয়ামগী য়েংলগা খূদক্তা হন্দোকপিয়ু : চিফ মিনিষ্টর