মনিপুর লেজিসলেটিব এসেমব্লিগী স্পীকর ওইনা থৌ পুরম্বা, ৩০- লিলোং এসেমব্লি কনস্তিত্যুএন্সিগী এম এল এ ওইরম্বা দা.মনেরুদ্দিন শৈখনা হন্দক ঈখঙ -খঙহৌদনা লৈখিদবদা মনিপুরগী চিফ মিনিষ্টর য়ূম্নাম খেমচান্দনা অৱাবা ফোঙদোকখ্রে। চৎলিবা এপ্রিল থা অসীগী ১৬ তা চিফ মিনিষ্টরনা লৈখিদ্রবা দা.মনেরুদ্দিনগী লিলোংদা লৈবা য়ূমদা চত্তুনা,লৈখিদ্রবগী ঈমূঙ-মনূঙ অমসুং মরী-মতাশিংগা উনদুনা পূন্না অৱাবা ফোঙদোকমিন্নখিবগা লোয়ননা লৈখিদ্রবা মীয়ামগী লুচিংবা অসীগী থৱায়না মপূগী খূয়াখাদা ঈংনা -চীক্না লৈরুনবা তাইবং শেম্বীরিবা মপূ,অল্লাহগী মফমদা পূন্না দুৱা তৌদুনা থৌজাল নিজখি।
মনিপুর লেজিসলেটিব এসেমব্লিগী স্পীকর ওইরম্বা দা.মনেরুদ্দিন অসী পূকচেল তপ্পা, থম্মোয় চাউবা, জাৎ-বিজাৎ খায়দনা মীওইবা খুন্নাইগী য়াইফনবা পুন্সিগী মীকূপ খূদীঙদা থবক তৌরম্বা শক্নায়রবা লুচিংবা অমনি। মহাক্না খঙহৌদনা লৈখিদবা অসী মনিপুরদা লৈরিবা মৈতৈ-পাঙল ফূরূপখক্তগী নত্তনা য়েলহৌমী ফূরূপ খূদীংমক্কি ওইনা মেনখৎপদা ৱারগদবা মাঙজবা অমনি হায়না চিফ মিনিষ্টরনা শীঙথাখি।
মহাক্না ষ্টেট অসীগী মীয়ামগীদমক পায়খৎলম্বা থবকশিং অমদি লৌরমখিবা থৌদাং কয়াদু ঐখোয়গী মীরোল অসীনা লৈরিবমখৈ অমসুং তুংদা লাক্কদৌরিবা মীরোলনা কাউঙমদনা লৈহৌরগনি হায়বা ৱাফম চিফ মিনিষ্টরনা ফোঙদোকখি।
You may also like
-
অরম্বাই তেঙ্গোলগী থৌমীশিং মখাতানা ফাদনবা দি জি পিদা খঙহনখ্রে, তম্পাক্তা খূৎলায়শিং থমজিনবগী রিপোর্ট লৈরি: গোবিন্দাস
-
ইন্টর্নেস্নেল ওলেম্পিক্স ডে রন মনিপুরদসু পাঙথোকখ্রে
-
কাংপোকপিদগী লাঞ্জেন্নরকখিবা আই দি পিশিংগা চিফ মিনিষ্টরগা উনখ্রে
-
ঈশাগী লোল, ময়েক্তা মহৈ তম্বা য়ারবনিনা হীরম খূদীংদা চাওখৎপা ঙম্লগনি: সি এম
-
তেলিপতিদা লৈঙাক্কি অথোরিটিগা মীয়াম অনীগী মরক্তা মূক্নখ্রে