মনিপুরগী তোমথিন ওইনা মমিং লৈরবা শূমাঙ লিলা আর্ট ফোর্ম মখল অসীগী থৱায় হাপতুনা ফীমেল রোল লৌখিবা, মীয়াম্না খ্বাইদগী পাম্নরবা আর্টিষ্টশিংগী মনূঙদা অমা ওইখিবা থিংনাম নিল্লকমল সিংহ লৈখিদ্রে। চৎলিবা এপ্রিল থা অসীগী ১৬ কি নুমিদাংৱাইরমদা মশাগী অনাবা অমনা মরম ওইদুনা ককচীং খূনৌ অঙোম লৈকায়দা লৈবা মশাগী ময়ূমদা লৈখিদ্রবা শূমাঙ লিলাগী শক্নায়রবা আর্টিষ্ট অসী মীয়াম্না ককচীং কোমোল হায়রগা হেন্না শকখঙনৈ। মহাক মেমথোইবী শাবা হায়রগসু খঙনখিবা, মখল-মথেল কয়াগী নূপীগী শক্তম লাংখিবা অফবা আর্টিষ্ট অমা ওইনা এৱার্দ কয়াসু ফংখিবা মীশক অমনি হায়রি।
মহাক মশাগী চহী ৭৩ শুখ্রে। ককচীং কোমোল অসী, লৈখিদ্রবা টিঐচ মংলেমজাউ অমদি থিংনাম ওঙবী মাধবী অনীগী মচা তরেৎকি মনূঙদা মহাক্না মচানূপা অহলনি।কোমোলনা মনিপুরগী তোঙান তোঙানবা শূমাঙ লিলাগী লূপশিংদা য়াওদুনা মনিপুরি শূমাঙ লিলা চাওখৎহন্নবা হোৎনরম্মি।
মহাক্কি মচানূপা ৪ অমসুং মচানূপী ৪, পূন্না মচা ৮ লৈহৌরি। ককচীং কোমোল না খঙহৌদনা লৈখিদবদা মায়কৈ কয়াদগী অৱাবা, নুঙাইতবা ফোঙদোক্নরক্লি।
You may also like
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে
-
নিপালশুবা ৱক্ফ বোর্দ মেম্বরশিং খল্লকপদা অম্পসুম না অপেনবা ফোঙদোরক্লি