আইন্না অথীংবা থমখ্রবা কংলৈপাক কম্যুনিষ্ট পার্টি (কে সি পি) গী ৪৬ শুবা মপোক কুমওন থৌরম, মনিপুর তম্পাক্কি মফম কয়াদা পাক-সন্না পাঙথোকখ্রে। লূপ অসীগী ইনফোর্মেসন এন্দ পাব্লিসিটি সেক্রেটরি এস মঙালনা খূৎয়েক পীদুনা থাদোরকপা চেরোল অমদা হায়, মপোক কুমওন অদূগী মপূঙ ওইবা থৌরমদি লূপ অসীগী ১৪১ শুবা বট্টালিয়নদা, লূপকি জেনরেল সেক্রেটরি ঐচ পোইরৈনা অথোয়বা মীথূঙলেন অমদি চিফ ওফ দি আর্মী ষ্টাফ ঐচ ইবোমচানা থৌরম মপূ ওইদুনা পাঙথোকখি।
থৌরম অদূ লূপকি সি ঐচ ক্যু, জি ঐচ ক্যু, মোবাইল য়ূনিটশিং অমসুং দিষ্ট্রিক্ট কম্মান্দরশিংগী মখাদসু পাক-সন্না পাঙথোকখি হায়রক্লি। লূপকি ১৪১ শুবা বট্টালিয়ন দা পাঙথোকখিবা থৌরম অদুদা লূপকি দিপ্যুটি ফাইনান্স সেক্রেটরি টি ঐচ বোবী অমসুং জেনরেল ষ্টাফ ওফীসার জি -২ ওইনা লৈরিবা এল মনিনা ইকায়খুম্নরবা মীথূঙশিং ওইনা শরুক য়াখি।
অথোয়বা মীথুংলেন অমসুং থৌরম মপূ অনীনা মৈরা চূখত্তুনা হৌদোকখিবা কুমওন থৌরম অদুদা, লূপকি নীঙতম ঈহৌদা থৌনা ফনা থৱায়না পোন্থা পীখ্রবা অথৌবা-অথৌবীশিংদা ঙক নোন্দুনা ইকাইখুম্নবা উৎখি। মদূগী তুংদা কমরেদ মঙাংচানা থৌরমদু শরুক য়াবা লাকখিবশিংবু তরাম্না ওকখি।লূপকি ৪৫ শুবা চহীদা সেন্ট্রেল কম্মিটিনা মীয়ামদা পীখিবা চহীগী ৱারোলসু থৌরমদুদা কমরেদ ৱাই সোমোর্জিৎনা পাথোকখি হায়রি।
You may also like
-
সোসিয়ল মেদিয়াগী চৈথেঙ মরক্তা অচূম্বা খন্দোকপদা অৱাবা কয়া মায়োক্নরি: হুংয়ো ৱার্সং
-
অরম্বাইগী থৌমী ফাজীনখিবগী মায়োক্তা ৱাকৎ মীফম কয়া চত্থরি
-
ইন্দিয়ানা কুকিশিং শীজীন্নরগা নাগাগী মথক্তা প্রোক্সি ৱার চত্থরক্লে : থুইঙালেং মুইভা
-
অরম্বাই তেঙ্গোলগী থৌমীশিং মখাতানা ফাদনবা দি জি পিদা খঙহনখ্রে, তম্পাক্তা খূৎলায়শিং থমজিনবগী রিপোর্ট লৈরি: গোবিন্দাস
-
ইন্টর্নেস্নেল ওলেম্পিক্স ডে রন মনিপুরদসু পাঙথোকখ্রে