মনিপুরদা হৌজিক পায়খৎলিবা, মীয়ামগী চাওখৎ-থৌরাংশিংগা মরী লৈনবা, সেন্ট্রেল অমসুং ষ্টেট লৈঙাক্কি প্রোজেক্টশিং করি-করম্বা থাক্তা খূমাঙ চাওশীল্লবগে হায়বগী মতাঙদা ঙরাং মনিপুরগী চিফ মিনিষ্টর য়ূম্নাম খেমচান্দনা চ্যের লৌদুনা, চিফ মিনিষ্টর সেক্রেটরিয়েত্তা রিভ্যু তৌখ্রে।
মনিপুর লৈঙাক্কি মিনিষ্টরশিং, এম এল এশিং, লৈঙাক্কি মকোকথোংবা ওফিসিয়েল কয়াসু রিভ্যু মিটিং অদুদা শরুক য়াখি। প্রোজেক্ট খূদীঙমক হান্না পীখিবা মতমগী মনূঙদা মপূঙফানা লোইশিনবা অমদি ক্বালিটি মপূঙ ফানা মেন্টেন তৌবা হায়বসি মহাক্কি অপাম্বনি, মীয়াম্না পাম্লিবসু মদূনি হায়বা ৱাফম চিফ মিনিষ্টরনা মরী লৈনবশিংদা খঙহনখিবগা লোয়ননা অপীবা মতমগী মনুংদা থবকশিং লোইশিন্ননবা অকনবা ইন্সট্রক্সন পীখি।
মীয়ামগীদমক লৈঙাক্না পায়খৎপা স্কিমশিং, ফংফম থোকপা বেনিফিসরী শিংগী খূত্তা অমদি মখোয়গী মরী লৈনবা বেঙ্ক একাউন্ট শিংদা চপ-চানা য়ৌরিব্রা হায়বদুসু কূপ্না য়েংশিনগদবনি। শেঞ্জা-থুমজা তৌরম্বা লৈঙাক্কি ওফিসিয়েল খূদীংমক্কী মথক্তা মতীক্ চাবা থবক লৌখৎকনি হায়বা ৱাফম চিফ মিনিষ্টরনা মরী লৈনবা ওফিসিয়েল শিংদা খঙহনখি। নোংজু থা য়ৌশিল্লক্লিবা অসীগী য়েংলগা লম্বী-থোং শেম-শাবগী প্রোজেক্ট পূম্নমক খূমাঙ চাওশীন্না, অতেনবা মতমগী মনুংদা লোইশিন্নবা হোৎনসি হায়না মহাক্না ওফিসিএলশিংদা ফোঙদোকখি।
You may also like
-
সোসিয়ল মেদিয়াগী চৈথেঙ মরক্তা অচূম্বা খন্দোকপদা অৱাবা কয়া মায়োক্নরি: হুংয়ো ৱার্সং
-
অরম্বাইগী থৌমী ফাজীনখিবগী মায়োক্তা ৱাকৎ মীফম কয়া চত্থরি
-
ইন্দিয়ানা কুকিশিং শীজীন্নরগা নাগাগী মথক্তা প্রোক্সি ৱার চত্থরক্লে : থুইঙালেং মুইভা
-
অরম্বাই তেঙ্গোলগী থৌমীশিং মখাতানা ফাদনবা দি জি পিদা খঙহনখ্রে, তম্পাক্তা খূৎলায়শিং থমজিনবগী রিপোর্ট লৈরি: গোবিন্দাস
-
ইন্টর্নেস্নেল ওলেম্পিক্স ডে রন মনিপুরদসু পাঙথোকখ্রে