মালেমগী মফমশিং শীন্থুংনা পাঙথোক্নবগুম মনিপুরগী তোঙান তোঙানবা মফমশিংদা মালেমগী মমালোনগী নুমীৎ থৌরম পাঙথোক্নখি।মদূগী শরূক অমা ওইনা ইম্ফাল ইষ্ট দিষ্ট্রিক্টকি মনূঙচন্না খুন্দ্রাকপমদা লৈরিবা নাউরেম বিরহরি কল্লেজদসু থৌরম অসী মায়পাক্না পাঙথোকখ্রে।
কোল্লেজ অসীগী দিপার্টমেন্ট ওফ লিঙ্গুইষ্টিক্স না ইংলিস দিপার্টমেন্ট অমসুং কোল্লেজ অসীগী আই ক্যু এ সিগা খূৎশম্নদুনা মহৈলোয়শঙ অসীগী মল্টিপরপজ হোলদা পাঙথোকখিবা থৌরম অদুদা প্রোফেসার পি মধুবালানা অথোয়বা মীথুংলেন, কোল্লেজ অসীগী প্রিন্সিপাল ইন-চার্জ ওইনা লৈরিবি দা.আই কুঞ্জবটি দেবীনা থৌরম মপূ, কোল্লেজ অসীগী টিচিং এন্দ নোন-টিচিং ষ্টাফ এসোসিয়েসনগী সেক্রেটারি ৱাই প্রতিমা, টিচর রিপ্রজেন্টেটিব এস ইবেমচা চনূ, আই ক্যু এ সিগী হান্নগী কোর্দিনেটর এম গ্যানেশ্বরি অমসুং দা.এস সঞ্জিব, কোওর্দিনেটর ওফ আই ক্যু এ সি অসিনচিংবা কয়ানা অখন্নবা মীথূঙশিং ওইনা শরুক য়াখি।
থৌরম অদুদা কোল্লেজ অসীগী দিপার্টমেন্ট ওফ লিঙ্গুইষ্টিক্সকি হেদ ওইনা লৈরিবা দা.এন প্রিতমকুমারনা কি-নোট এদ্রেস পীখিবগা লোয়ননা মহৈরোয়শিংনা ঈমালোলবু থৌশারক্তবগী চৎনবী অমা লৈরকপনা ঙসীদি ঐখোয়গী ঈমালোল অসী মমি শাম্লকপগুম তৌরিবসি অফবা খূদম নত্তে, ঈমালোল লৈত্রবদি ঐখোয়গী শক্তমসু নোংমা-নোংমগী মূৎখ্রগনি হায়বা ৱাফম কয়া ফোঙদোকখি।
ঈমালোলদা লাইরিক তাকপী-তম্বিবগী মরূওইবা অমদি ঈমালোল মাঙখিবা মতমদা খুন্নাই অসীদা পীরক্কদবা চৈথেঙ কয়াগী মতাঙদা প্রোফেসার পি মধুবালানসু ৱাফম কয়া ফোঙদোকখি।
You may also like
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে
-
নিপালশুবা ৱক্ফ বোর্দ মেম্বরশিং খল্লকপদা অম্পসুম না অপেনবা ফোঙদোরক্লি