লৈবাক অসীগী তোঙান তোঙানবা মফমশিংদা টেরর এত্তেক চত্থনবা থৌরাং তৌরম্বনি হায়বা ইস্লামিক ষ্টেট ওফ ইরাক এন্দ সিরিয়া (আই এস আই এস) কি টেরোরিষ্ট ৩ এন্টি টেরোরিজম স্কৱাদ (এ টি এস) গুজরাট না অহমেদবাদতগী ফাগৎপা ঙমখ্রে।
মখোয়শিং অদূনা অহানবদা গুজরাত্তা থুংলরবা মতূঙদা লৈবাক অসীগী মফম কয়াদা কোয়না চত্তুনা এত্তেক চত্থনবা হোৎনরম্বনি হায়রি।এ টি এস গুজরাট না মখোয় অসী ইন্দিয়াদা চঙশীনখ্রে হায়বগী পাউ ফংবদগী হৌখিবা চহী অমরোমগী মতমসি কূপশেন -শেন্নদুনা লাকখিবনি হায়রি।
মখোয়না ইন্দিয়াগী করম করম্বা মফমশিংদা এত্তেক চত্থনবা হোৎনরম্বগে হায়বদু খঙদোকপা ঙম্নবগীদমক হৌজিক অকনবা ইনভেষ্টিগেসন চত্থরি হায়না এ টি এস কি রিপোর্ট অমনা ফোঙদোরক্লি। মতম খরগী মমাঙদসু গুজরাটকি এ টি এস টিম্না অল -কাইদা ইন দি ইন্দিয়ান সব -কন্টিনেন্ট ( এ ক্যু আই এস) কি টেরোরিষ্ট ৫ ফাগৎপসু লৈখ্রবনি।