লো এনফোর্সমেন্ট এজেন্সি শিংনা কনাগুম্বা মীওই অমা ফাবা – পুনবগী ৱাফম লাকপা মতমদা,করি মরমগীদমক মহাকপু ফারিবনো হায়বদুগী মতাঙদা অইবা চেরোল অমা তঙায়ফদনা এক্যুজ মশামক অমদি মহাক্কি মীওইশিংদা খঙহনবা হায়বসি তঙায়ফদবা অমনি।
এক্যুজ অমসুং মহাক্কি ঈমূঙ – মনূঙগী মীওইশিং অদূনা খঙবা ঙম্বা লোন্দা-পুদা শীজীন্নদুনা মহাকপু ফারিবদুগী মরম খঙহনগদবনি হায়না লৈবাক অসীগী খ্বাইদগী মকোকথোংবা ৱায়েল লোয়শঙ ওইরিবা সুপ্রিম কোর্টনা ফোঙদোরকখ্রে।কুমশিং ২০২৪ গী জুলাই থাদা মুম্বাই সহরদা থোকখিবা হীট এন্দ রন গা মরী লৈনবা থৌদোক অমগী কেস হীয়ারিং চত্থরকপদা ৱাফম অসী সুপ্রিম কোর্ট (এস সি) গী চিফ জষ্টিস বি আর গাভাই অমসুং জষ্টিস এ জি মাসি অনীগী বেঞ্চনা থমখিবনি।
বেঞ্চ অদূনা মখাতানা হায়,কনাগুম্বা মীওই অমা ফাবা মতমদা অকক্নবা মতমগী মনূঙদা অমসুং থেঙলবদা মহাকপু কোর্টতা পুথোক্তুনা রিমান্দ প্রোসিদিংস লৌদ্রিঙৈ পূঙ অনীগী মমাঙদা এক্যুজ অদুগী মফমদা মহাকপু করিগীদমক ফারিবনো হায়বগী চপচাবা মরম খঙহন্দবা য়াদে।কাঙলোন অসীগী মায়োক্তা নম্ফূ -শাফুদা ফাজীন্দুনা কোর্টতা রিমান্দ প্রোসিদিংস চৎথরকপা মতমদুদা মরী লৈনবা লো এনফোর্সিং এজেন্সি অদূনা ইন্দিয়ান কন্সটিট্যুসনগী আর্টিকল ২১ অমসুং ২২(১) খোঙ্গাওনবনি হায়না লৌফম থোকই হায়না এস সিনা ময়েক শেংনা ফোঙদোকখি।অর্টিকল অসীগী মতূঙ ইন্না কনাগুম্বা অমত্তনা মীওইবা অমগী পার্সনেল লিবর্টিদা খূৎ থিংজিনবা য়াদে হায়বসি লো এনফোর্সমেন্ট এজেন্সি শিংনা মুন্না খঙজীনগদবনি হায়খি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা