চুরাচান্দপুর দিষ্ট্রিক্ট কি হেংলেপ সব – দিবিজন মনূঙচন্না লৈরিবা খানপী ভিল্লেজদা লৈবা য়ূম অমদা ইন্দিয়ান আর্মী অমসুং আসাম রাইফলসকি অপূনবা টিমগা নোংমৈ কাপ্নখিবা থৌদোক্তা য়ুনাইটেদ কুকি নেস্নেল আর্মীগী কাদর ৪ শিরে অদূগা শোক্লবা কাদর অমনা ফাগৎপা ঙমখ্রে।
২১ শুবা স্পেসিয়েল পেরা কম্মান্দো অমসুং আসাম রাইফলসকি কম্বাইন টিম অমনা ভিল্লেজ অদুদা লালহৌলূপ অদূগী কাদরশিং লৈরে হায়বগী অকক্নবা পাউগী লীখূল অমা ফংবদগী চঙশীনখিবনি হায়রি।মফম অদূদা চিংননিঙায় ওইবা মওংদা লৈরম্বা য়ূম অমা কোয়শীন্দুনা থিবা -হূম্বগী থবক চত্থনবা হোৎনরুবদা য়ূম অদূগী মনূঙদা হান্নদগী লৈরম্লবা য়ূ কে এন এগী কাদরশিংনা নোংমৈ কাপথোরকপদগী আর্মীগী টিম অদূনসু হন্দুনা কাপ্নখিবদা লালহৌলূপ অদূগী কাদর ৪ শিখিবনি।
মফম অদুদগী য়াম্লবা খূৎশু -খূৎলায়শিংসু ফাগৎপা ঙমখি হায়রি।মফম অদূগী অকোয়বদা সেক্যুরিটি ফোর্সকি টিম অদুনা মখা তানা ওপরেসন চত্থবদা অশোকপা কাদর অমসু ফাগৎপা ঙমখিবনি।মতম খরগী মমাঙদা য়ু কে এন এগী কাদরশিংনা ভিল্লেজ চিফ অমা হাৎখিবা অমদি মায়কৈ অদোমদা লো এন্দ ওর্দরগী ফীভমদা অকায়বা পীরকপদগী ওপরেসন চত্থনবা ইন্দিয়ান আর্মীনা ৱারেপ লৌরকখিবনি।খানপী হায়রিবা মফম অদূ চুরাচান্দপুর হেদ ক্বার্টরদগী নোংচুপলোমদা কিলোমিটর ৮০ রোম চৎলগা লৈবনি হায়রি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা