চৎলিবা নবেম্বর থা অসীগী অহুমগী অঙনবা অয়ূক্তা অৱাংথংবা আফঘানিষ্টানগী শরূক্তা রিচটর স্কেলদা মেগনিচ্যুদ ৬.৩ য়ৌনা য়ুহার হাখ্রে। থৌদোক অদূদা য়ামদ্রবদা মীওই ২৬ শিখ্রে অদূগা মীওই ৩২০ হেন্না অশোক -অপন নংবদগী হোস্পিটালশিংদা পুখত্তুনা লায়কন্নখ্রে।হৌজিকসু মীওই কয়ামরুম নীঙখায়খিবা বিল্ডিংশিংগী অতেক -অকায়শিংনা নন্সিন্দুনা লৈখিবদগী রেসক্যু ৱার্করশিংনা মী কনবগী অমসুং অশীবা মীওইশিং হোন্দোরক্নবা থবক পায়খৎলি।
মসীনা মরম ওইরগা অশীবা মীওইশিংগী মশীঙ হেঙ্গৎলকখিগনি হায়না পানরি হায়রি।অকনবা য়ুহার হাখিবসিনা মরম ওইদুনা আফঘানিষ্টানগী মফম অয়াম্বদা মৈ ফংদবগী অৱাবা,খুদোংচাদবশিং মায়োক্নদুনা লৈরি।
অৱাংথংবা আফঘান সিটিদা লৈরিবা ব্লূ মোস্ক য়াওনা বিল্ডিং কয়ামরুম অমাঙ -অতা থোকখ্রে।উপাল -ৱাপাল কয়ামরুম মরূ ফূক্তুনা খুন্তাক -লান্সিরবা ফীভমদা লৈখ্রে হায়রি।
য়ু এস জিওলোজিকেল সরভে রিপোর্ট মতূঙ ইন্না,য়ুহার অদূ লৈনূঙদা কিলোমিটর ২৮ লুথবা মফমদগী হৌরকখিবনি হায়না ফোঙদোরকখি অদুগা য়ুহার অদূগী ইপিসেন্টরনা মজার -ই-শরিফ তনি হায়খি।য়ুহার অদূনা খ্বাইদগী হেন্না শোকহনখ্রবা বালখা অমসুং সমঙ্গন ভিল্লেজশিংদা রেস্ক্যু টিমশিংনা মী কনবা অমদি পোৎ -চৈ হোন্দোরকপগী থবকশিং চত্থরি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা