থৌবাল দিষ্ট্রিক্টকি মনূঙচন্না লৈরিবা খাঙবোক অৱাং লৈকায়দগী লাইশ্রম নিঙোল মোইরাংথেম ওঙবী ঙানবী (৫৭) কৌবি নূপী অমা রিমস হোস্পিটালদা পুখৎলক্তুনা লায়কন্নরম্লবা মতূঙদা ঈখঙ খঙহৌদনা হৌখিবা ওক্টোবর ৩১ অমসুং নবেম্বর অমগী লোন্নবা অহীঙদা লৈখিদবগা মরী লৈননা অৱাঙবা থাক্তা থিগৎপিননবা লৈখিদ্রবিগী মচানূপা মোইরাংথেম বিদ্যাবাসন্না মরী লৈনবা অথোরিটিদা তকশীনখ্রে।
বিদ্যাবাসন্না অইবা চেরোলগা লোয়ননা তকশীনখিবা ৱাকৎ অদুদা মরূ ওইনা পল্লিবদি,মহাক্কি অপোকপী ঙানবী দেবী হৌখিবা ওক্টোবর ২৫ দা মশাগী অনাবা অমদগী রিমসতা এদমিট তৌদুনা লায়েঙ চত্থরক্লবা মতূঙ হৌখিবা ওক্টোবর ৩০ দা কি-হোল সর্জরি পাঙথোক্লবা মতূঙদা হোস্পিটাল অসীগী আই সী য়ুদা থম্লকখিবনি।মদূগী মতূঙদা হৌখিবা ওক্টোবর ৩১ অমসুং নবেম্বর অমগী লোন্নবা অহীঙদা লৈখিদ্রে হায়না দাক্তরশিংনা ফোঙদোরকখি। থৌওং অসী য়াম্না চিংননিঙায় ওই হায়রি।
সর্জরি তৌদুনা অনাবগী ফীভম ফগৎলক্লে হায়না দাক্তরশিংনা ফোঙদোক্লম্লবা মীশক অমা মথঙগী নুমিত্তা লৈখিদ্রে হায়রকপা অসীদি খ্বাইদগী মরম চাদবা অমসুং থাজনিঙায় ওইদবা অমনি হায়না বিদ্যাবাসনগী ৱাকৎ অদূদা পল্লি।দাক্তরশিংনা চেকশীন্দবদগী মহাক্কি অপোকপী ঙানবী লৈখিদবা ওইগনি হায়নসু ফোঙদোকখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে