মনিপুরগী রোয়েল লিগেসি অমদি পোলিটিকেল হেরিটেজ গী অহীংবা খূদম অমা ওইদুনা লমদম অসীগী পুৱারিদা য়াম্না চাউরবা মফম অমা কন্দুনা লাকখ্রবা শিল্লোংদা লৈবা মনিপুরগী রাজবারি উফুল তানা থুগাইখিবগী থৌওং অদূবু অকনবা মওংদা য়ানিংদবা ফোঙদোক্তুনা শিল্লোংদা লৈবা মনিপুরি এল্ডর্স কন্সোর্টিয়ম, শিল্লোং ( এম ই সি এস) গী থৌমীশিংনা প্রোটেষ্ট তৌখ্রে।
শিল্লোংগী রেদলেন্দ, বোইসি রোদতা লৈরিবা মনিপুরগী রাজবারি অসি মনিপুর লৈঙাক্কি মখাদা লৈরিবা প্লান্নিং এন্দ দেভলপমেন্ট অথোরিটি (পি দি এ) না মরী লৈনবা অথোরিটিগী অয়াবা লৌরগা থুগাইখিবনি হায়জরবসু মনিপুর লৈঙাক্কি আর্ট এন্দ কলচর লোয়শঙসু পিদিএগা পূন্না চৎমীন্নবা মরম্না দিপার্টমেন্ট অনীমক্না দাইত্যা পুমিন্নগদবনি। রাজবারি অসীগী ফুল স্কেল রেপ্লিকা অমা য়াম্না অথুবা মতমগী মনূঙদা শাগদবনি। মরী লৈনবা অথোরিটিনা রাজবারি অসি থুগাইখিবদা হকথেঙননা অমসুং নাকোয়ননা চেন্নবশিংগী মথক্তা মীয়াম খঙনা অকনবা চৈরাক পীগদবনি অদুগা মনিপুরগী রাজবারি থুগাইখিবগী লৈহৌরিবা মেটরিয়েলশিং অসীমক শীজিন্নদুনা অনৌবা রাজবারি অমা, হান্নগী শক্তমশিংদু অমত্তা কায়হন্দনা অথূবা মতমদা শাগদবনি হায়না কন্সোর্টিয়ম অদূগী কনভিনর মুনিস সিনহানা অকনবা মওংদা দিমান্দ তৌখি।
রাজবারি থুগাইখিবগী থৌওং অসী মরমদমগী পুৱারি মশক খঙদবা মীথীবোঙ-মিতম্বালশিংনা চত্থখিবনি। অথোরিটিনা থৌদোক অদূদা চেন্নরিবশিং কনা কনানো হায়বদু মীয়ামদা খঙহনগদবনি হায়না অকনবা মওংদা মুনিশনা অথোরিটি দা তকশীনখি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি