দেমোক্রেসি চৎলিবা পাক-চাউরবা ইন্দিয়াদা মীয়াম্না শক্তি শিন্নরদুনা লেজিসলেটর অমমম ওইরবা বি জে পিগী এম এল এশিং অসীনা ঙাইহাক লৈতনা দিল্লিদা চৎলগা বি জে পিগী লুচিংবশিংদা মীয়ামগী ওইবা লৈঙাক অমা শেমজরগে হায়না ৱানোম-থৌনোম্বগী থবক চত্থদুনা লৈরিবসি মীৎ য়াম্না নারে, য়েংহৈদ্রে, মনিপুরগী প্রজানা কুমহৈ অসীবু কয়াম কুইনা তূমিন্না খাঙদুনা, য়েংদুনা লৈখিগদগে হায়না মনিপুরগী হান্নগী চিফ মিনিষ্টর ওক্রম ইবোবীনা অঙকপা অমসুং পেন্দবা ফোঙদোরকখ্রে।
লৈবাক অসীগী মফমশিং শীন্থুংনা ইন্দিয়ান নেস্নেল কংগ্রেসনা শীন্দুনা পাঙথোক্লিবা ভোৎ চোর, গাদি চোর হায়না মিংথোল্লিবা কেম্পেইন ঙরাং ইম্ফাল ইষ্ট দিষ্ট্রিক্টকি খেত্রিগাউ কেন্দ্রগী মনুঙ চনবদা লৈরিবা খেত্রি বেঙ্গুন্দা লৈবা কংগ্রেস পার্টিগী হান্নগী এম এল এ মোহম্মদ আমিন শাহাগী য়ূমদা পাঙথোকখিবদা শরুক য়ারদুনা কংগ্রেস লেজিসলেচর পার্টি (সি এল পি) গী লিদর ওক্রম ইবোবীনা ৱাফম অসী ফোঙদোকখিবনি।
খেত্রিগাউ ব্লোক কংগ্রেস কম্মিটিনা শীন্দুনা পাঙথোকখিবা থৌরমদুদা মনিপুরগী হান্নগী লেজিসলেটিব এসেমব্লিগী স্পিকর অমসুং খুন্দ্রাকপম কেন্দ্র গী এম এল এ থোকচোম লোকেশ্বর, হান্না নম্বোল কেন্দ্রগী এম এল এ ওইরম্বা এন লোকেন, ৱাবগাই কেন্দ্রগী হান্নগী এম এল এ ফাজুর রহিম্নচিংবশিং শরুক য়াখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা