কুকি ৱিমন ওরগনাইজেসন ফোর হ্যুমন রাইটস কি মায়কৈদগী থাঙ্গৎলকখিবা কমপ্লেন্ট পেটিসন অমগী মতাঙদা হায় কোর্ট ওফ মনিপুরগী জষ্টিস এ গুনেশ্বর শর্মগী বেঞ্চনা সেন্তর অমসুং মনিপুর লৈঙাক্কি মফমদা করি থৌশিল-থৌরাং লৌখৎপা লৈরিবগে হায়না হংখিবগা লোয়ননা পাউখুম পীরক্ননবা খঙহনখ্রে।
প্রোটেষ্ট চত্থখিবা মীচম কুকি নূপীশিংদা সি আর পি এফনা রোকেট লোঞ্চর শীজিন্নদুনা এত্তেক চত্থরকপদগী অশোক- অপন কয়ামরুম য়াওখি। শোক্লবশিং অদুদা মতীকচাবা কম্পেন্সেসন পীহনবীয়ু হায়না লানখৎলকখিবা পেটিসন অদুগী মতাঙদা ওফিসিয়েল রেস্পোন্দেন্ট শিংনা লাক্লিবা চয়োল অনীফাওবগী মনূঙদা মখোয়গী কাউন্টর এফিদেবিট থাজিল্লক্নবসু কোর্ট অসীনা খঙহনখি।
অদূম ওইনমক মেটর অদূ ক্রিমিনেল কেস ওইনা রেজিষ্টর তৌদুনা স্পেসিয়েল ইনভেষ্টিগেসন টিম্নচিংবা শেমদুনা থিগৎহন্নবগী ৱাফম অমত্তা কোর্ট অসীনা ফোঙদোকপদি লৈখিদে। কেস অসীগী মথংগী হিয়ারিং ওক্তোবর ১৭ তা ফিক্স তৌখি।
