হৌখিবা কুমশিং ২০২৩ গী মে অহুমদগী হৌজিকফাওবা চিন-কুকি নার্কো টেরোরিষ্টশিংনা চত্থরক্লিবা হীঙশাগী ঈরাং অসীদা মশাগী য়ূম মৈ চাকখিবদগী লাঞ্জেন্নরক্তুনা ইম্ফাল ইষ্ট দিষ্ট্রিক্ট মনূঙচন্না লৈরিবা শজিৱা জেল মনিংদা লৈবা প্রি-ফেব্রিকেতেদ হাওস রিলিফ কেম্পতা লৈরকখিবা বোনেট কোন্সম কৌবা মীওই অমা হন্দক লৈখিদ্রে। মহাক্কি ঈমূঙগী অৱাবদা খরদং মতেং পাংবা ওইনা লাইক মাইন্দেদ গ্ৰুপ ( এল এম জি) মনিপুরনা ঙরাং শেলগী তেঙবাং পীখ্রে।
বোনেট কোন্সমগী ঈমূঙ অসী লায়রবা পঙ্খৈগী মখাদা লৈবনি। হৌখিবা আগষ্ট থাগী ২৫ দা মহাক মশামক্না লৈরিবা মফমদুদা থৌরী য়াল্লগা শিখিবনি হায়রি।হৌখিবা চহী ৪ রোমগী মমাঙদগী মীয়াম্না অৱা-অনা মায়োক্নরকপদা কোয়না চত্তুনা মতেঙ পাংবগী থবক তৌদুনা লাক্লিবা এল এম জিনা লৈখিদ্রবা বোনেটকি লোয়নবী কানোন দা শেল ওইনা লূপা লীশীং তরাগী শেনফম খূৎশীন্নখিবা অদুদা মফম অদুগী মীয়াম্না এল এম জিবু ঙমখৈ লৈতনা থাগৎপা ফোঙদোকখি।
বোনেট কোন্সমগী নৌরিবা মচা অনী অমসুং লোয়নবী হুন্দোক্লম্মি।মচানূপী অহল অদূদি মীমান্নদ্রবী, হকচাংগী ফীভম তোঙাল্লবি অমনি অদুগা অতোনবা নূপামচা অদূনা চিলদ্রেন হোমদা লৈরগা লাইরিক তমহনবনি হায়রি। লাঞ্জেল্লকপগী অৱাবা মরক্তা মপূরোইবসু লৈত্রবী কানোনগুম্বা উপাই লৈত্রবীশিংগীদমক মতম চূপ্প দা এল এম জিনা মতেঙ পাংননবা থৌরাং তৌদুনা লৈরি হায়না লূপ অসীগী মায়কৈদগী ফোঙদোরক্লি।
You may also like
-
খেমচান্দগী মিনিষ্ট্রি এক্সপান্সন তৌবগী ৱাফম লৈখাই তারবা য়াই, কৌরকপদগী দিল্লি পাংখ্রে
-
রিফ্যুজী মশীং হেঙ্গৎলকপনা তৌফম খঙলক্তবগী ফীভম মায়োক্নরে : লালদুহোমা
-
লম্বীগী এক্সিদেন্টতা নহা অমা শিরে
-
জপান্দা দিমেন্সিয়াগী কেস য়ামখৎলকপা মরম্না এ আইগী মতেং লৌগদৌরি
-
মেদল ফোর মেরিটোরিয়স সার্বিস এৱার্দ পীননবা পুলিস পার্সনেলশিং লৈবাক অসীগী ওইনা খনগৎলকপদা মনিপুরদগী ৮ য়াওরক্লে