মনিপুরি লোলনা ইন্দিয়ান কন্সটিট্যুসনগী ৮ শুবা সেদ্যুল্ড দা চনখিবা চহী ৩৪ মপূঙ ফারকপা নুমিত্তা ঙরাং মনিপুরি লোলগী নুমীৎ ষ্টেটকি থাক্তা পাঙথোকখ্রে। অদূঙৈ কুমশিং ১৯৯২ গী আগষ্ট ২০ দা মনিপুরি লোল অসী নেপালি অমসুং কোনকানি লোলশিংগা লোয়ননা কন্সটিট্যুসনগী ৮ শুবা সেদ্যুল্ড দা চনখিবনি।
ইম্ফাল ইষ্ট কি পেলেস কম্পাউন্ড দা লৈবা মনিপুর ষ্টেট ফীল্ম দেভলপমেন্ট সোসাইটিগী ওদিটোরিয়মদা পাঙথোকখিবা থৌরমদুদা হান্নগী ইন্নর মনিপুর পারলিয়ামেন্টরি কন্সটিট্যুয়েন্সিগী এম পি দা. টি ঐচ মৈন্য সিংহ, মনিপুর লৈঙাক্কি হান্নগী মিনিষ্টর ওফ আর্ট এন্দ কলচর দা. এম নরা, হান্নগী য়ুনিয়ন মিনিষ্টর ওফ ষ্টেট ফোর ইদুকেসন এন্দ এক্সটর্নেল এফ্যের্স দা. আর কে রঞ্জন, য়ুনিয়ন মিনিষ্টর ওফ ষ্টেট ফোর হোম এফ্যের্স ওইরম্লবা, অদূগা হৌজিক্না মনিপুরি লেঙ্গুয়েজ দে ষ্টেট সেলেব্রেসন কম্মিটিগী চ্যেরমেন ওইরিবা প্রোফেসর মৈজিনলুং কামসোননচিংবা শক্নায়রবা মীওইশিংনা অথোয়বা মীথূঙলেনশিং ওইনা শরূক য়াখি।
সনা লৈবাক মনিপুর হায়না শৈহৌবা ষ্টেট সোং শক্তুনা থৌরম অদূ হৌদোকখি।মনিপুরি লেঙ্গুয়েজ দে ষ্টেট সেলেব্রেসন কম্মিটি, ষ্টেট লৈঙাক্কি আর্ট এন্দ কলচর দিপার্টমেন্ট অমসুং দিরেক্তরেট ওফ লেঙ্গুয়েজ প্লান্নিং এন্দ ইমপ্লিমেন্টেসন না পূন্না খূৎশম্নদুনা থৌরম অদু পাঙথোকখিবনি।