ক্লাসিকেল লেঙ্গোইজ অমা ওইনবগী ক্রাইটেরিয়া মশীঙ শুনা লৈজরবা মনিপুরি লোলনি অদুবু ঐখোয়না থৌশাহৌদবা, চেকশীলহৌদবা খরদগী হন্দক অতৈ লোল খরনা ক্লাসিকেল লেঙ্গোইজ ষ্টেটস তা চনখ্রবসু মনিপুরি লোল অসী চনবা ঙমহৌদবনি। মসী লোল অসীবু শীজীন্ন রিবা, ঙাঙনরিবা মনিপুরি ঐখোয়গীদি খ্বায়দগী লাইবক থীবনি হায়না মনিপুর য়ুনিভর্সিটিগী হান্নগী দিন ওফ স্কুল ওফ হ্যুমেনিটিজ প্রোফেসর চূংখাম জস্বন্টা না ফোঙদোকখ্রে।
লোল অসীবু মূৎখিদনবা, হেন্না মপূঙফানা চাওখৎহন্ননবা হোৎনবদা খ্বায়দগী মরূওইবা থৌদাং লৌগদৌরিবা অসী লোল অসীবু শীজীন্নরিবা, ঙাঙনরিবা মনিপুরি ঐখোয় মীয়াম অসীনি হায়না মহাক্না ফোঙদোকখি। ঙরাং খূরায় চাইরেন্থোং মনাক্তা লৈরিবা এনজি মনি কোল্লেজগী ওদিটোরিয়মদা পাঙথোকখিবা নেস্নেল সেমিনর অমা লোইশিনবগী থৌরমদা অথোয়বা মীথূঙলেন ওইনা ৱা ঙাঙবদা মহাক্না ৱাফম অসী ফোঙদোকখিবনি।
কোল্লেজ অসিগী দিপার্ট মেন্ট ওফ ইংলিস, মনিপুরি এন্দ আই ক্যু এ সিনা ষ্টেট লৈঙাক্কি মখাদা লৈরিবা ষ্টেট কাউন্সিল ওফ ইদ্যুকেসন রিছার্স এন্দ ট্রেনিংগী মীৎয়েং মখাদা, মনিপুরি লোল অসী ক্লাসিকেল লেঙ্গোইজ অমগী থাক্তা নৈনবা হায়না মিংথোনবা হীরমদা পাঙথোকপা নেস্নেল সেমিনর অমা লোইশিনবগী থৌরমদা মহাক্না ঙরাং ৱাফম অসী থমখিবনি।
You may also like
-
এফ আই আর কয়ারক পানগে হায়বনো পানবিয়ু, এন আর সি থবক্তা ওন্থোক্ট্রিফাও শিরবসু খোঙজঙদি হল্লোই: জিতেন্দ্র
-
চহী অহুমগী মতূঙদা ইম্ফাল-দিমাপুর বস সার্বিস ঙরাংদগী হৌখ্রে
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর