মনিপুর অমসুং ম্যান্মার অনীগী মরক্তা হান্না চৎনরম্বা ফ্রী মূভমেন্ট রিজিম হঞ্জিলহন্দুনা নৌনা অমুক চৎনহল্লু লোয়ননা ইন্দো- ম্যান্মার বোর্দর ফেন্সিং তৌরিবা অসী খূদক্তা লেপকদবনি হায়বা দাবী তান্দুনা ওল নাগা ষ্টুদেন্টস এসোসিয়েসন মনিপুর ( অন্সম) চঙশীল্লক্লিবা খোঙজঙ শৌগৎলদুনা সেনাপটি দিষ্ট্রিক্ট ষ্টূদেন্টস এসোসিয়েসন ( এস দি এস এ) না চৎলিবা জূন থা অসীগী ২৩ দগী দিষ্ট্রিক্ট অসীগী মনূঙদা লৈরিবা লৈঙাক্কি লোয়শঙ খূদীঙমকতা অথিংবা থমদুনা অকনবা ঈহৌ চত্থবা হৌখ্রে।
খোঙজঙ অসী চৎলিবা জূন থা অসীগী ২৭ ফাওবা নুমীৎ ৫ নি চূপ্না চত্থগদবনি হায়রি। মহৈরোয়শিংগী খোঙজঙ অসীনা মরম ওইদুনা সেনাপতি দিষ্ট্রিক্ট তা লৈবা লৈঙাক্কি লোয়শঙ অয়াম্বা থোঙ লোন্সীনখ্রে। ওফিসিয়েল অমসুং ষ্টাফশিং থবক শূনখিদ্রে।হৌখিবা জূন ১৬ তা অন্সমগী প্রসিদেন্সিয়েল কাউন্সিলনা মীফম অমা পাঙথোক্তুনা লৌখিবা ৱারেপকি মতূঙ ইন্না খোঙজঙ অসী চঙশীনখিবনি। মসীনা মরম ওইদুনা সেনাপতি দিষ্ট্রিক্ট হেদক্বার্টরদা লৈরিবা মিনি সেক্রেটরিয়েট খুন্তাক লান্সিবগা চপ মান্নখ্রে।
মনিপুরগী নাগা কাঙলূপ্না নম্না খুন্দাবা মফমশিংদসু চপ মান্নবা খোঙজঙশিং মীয়াম্না চঙশীন্দুনা অন্সমগী খোঙজঙ শৌগৎখি। চত্থরিবা খোঙজঙ অসীগী মনূঙদা থোক্লকপা অফ- ফত্তগী তেকচাক পূম্নমক সেন্টর অমসুং ষ্টেট লৈঙাক্না পুজগদবনি হায়রি। অন্সমগী খোঙজঙদা অথিংবা পীরক্লিবা সেনাপটি দিষ্ট্রিক্ট পুলিসকি এস পি অমসুং এদ্দিস্নেল এস পি অনী অসী খূদক্তা মফম থাদোকহনগদবনি হায়বা অসীসু মহৈরোয়শিং অসীনা দাবী তৌরিবনি।
You may also like
-
জপান্দা দিমেন্সিয়াগী কেস য়ামখৎলকপা মরম্না এ আইগী মতেং লৌগদৌরি
-
লৈখিদ্রবা বোনেট কোন্সমগী লোয়নবীদা এল এম জিনা শেলগী তেঙবাং পীখ্রে
-
মেদল ফোর মেরিটোরিয়স সার্বিস এৱার্দ পীননবা পুলিস পার্সনেলশিং লৈবাক অসীগী ওইনা খনগৎলকপদা মনিপুরদগী ৮ য়াওরক্লে
-
হয়ার সেকেন্দরি লেকচররশিংগী পেনদাউন ষ্ট্রাইক লৈঙাক্কা য়ানবা পুরকপদগী হন্দোকখ্রে
-
প্লাষ্টিক পোল্যুসন্না মীওইবদা পীরক্লিবা তমথিরবা চৈথেং অসীদগী ঙাকথোক্নবা মতম চানা হোৎনহৌবা মথৌ তারে: সোমোর্জিৎ