হৌখিবা মে ৩১ গী অঙনবা অয়ূক্তা লেপ্তনা তারকখিবা অকনবা নোংনা মরম ওইদুনা কা হেন্না ঈশীংগী ঈমায় ৱাংখৎলকপদগী খূরায় হৈক্রুমখোং মপাদা ইম্ফাল তুরেলগী তোরবান ফূট ৩৫ রোম শাংনা কায়রকপদগী খূদক্কি ওইবা ঈচাও থোক্তুনা মফম অসোমগী য়ূম কয়ামরুম চেন্থদুনা পুখিবদগী খুরায় কেন্দ্রগী এম এল এ লৈশাংথেম সুশিন্দ্রোনা অহানবগী ওইনা য়ূম ৮ শাবা হৌখিবা অদূগী মনূঙদা য়ূম অনীদি মপূঙফানা শাবা লোইরদুনা থা অসীগী ২৩ দা এম এল এ অসীনা য়ূম্বূশিংদা খূৎশীন্নখ্রে।
মহাক্কি লন্নাই শেনফম পুথোক্তুনা এম এল এনা য়ূমশিং অদূ শাবনি। য়ূম শঙ্গাদুনা অৱাবা মায়োক্নরবা ঈচাওগী য়ূম্বূ ভীক্তিমশিংদা অনৌবা য়ূমশিং খূৎশীন্নখিবা থৌরমদুদা এম এল এ সুশীন্দ্রোনা হায়, মনিপুর লৈঙাক্কি ফোরেষ্ট লোয়শঙনা ঈচাও থিংননবা লৈপাক লৌগে হায়বদা অয়াবা পীখিদবদগী তুরেলগী তোরবানশিং কায়রক্তুনা ঈচাও পাক-সন্না মায়োক্নহনখিবনি। তুরেল মরূশিংদা উমং কোকথোক্তুনা পোপ্পি পাকসন্না থাজিল্লকপগী থৌওংশিং দা ফোরেষ্ট দিপার্টমেন্ট না তুমিন্না য়েংদুনা লৈবদগী ঈচাও য়াম্না তোয়না থোকহনবনি।
মরম অদূনা মীয়াম ঈচাওগী অৱাবা কয়া মায়োক্নরিবা, লন-থুম কয়ামরুম মাঙহনখিবা অসীগী কম্পেন্সেসন ফোরেষ্ট দিপার্টমেন্ট না পীহন্ননবা কোর্টতা পি আই এল অমা থাঙ্গৎলগনি হায়না এম এল এ অসীনা ফোঙদোকখি।
You may also like
-
কংলাদা সি ঐচ ঐচ সি আই হৌদোক্তুনা শীৎ-শেংবগী থবক পায়খৎখ্রে
-
সঙাই ইথনিক পার্কতা ৱার্ল্ড টুরিজম ডে থৌরম পাঙথোকখ্রে
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা