ইম্ফাল ইষ্ট দিষ্ট্রিক্ট মনূঙচন্না শগোলমাঙ পুলিস ষ্টেসন্না কোল্লিবা লৈতানপোকপী মৈতৈ খুল মনাক্তা লৈরিবা শদু লৌকোল হায়না খঙনরিবা, লৌ শঙম ৩০ রোমদমক লৈবা অপীকপা লৌকোল অদূদা মৈতৈ ফূরুপকি লৌমীশিংনা মশা-মশাগী লৌফমশিংদা লৌ খোইনবগীদমক ট্রেক্তরনচিংবা পুথদুনা লৌ খোইবা হৌরকপদা কুকি নূপা-নূপী, নহারোল- অহল্লোন কয়ামরুম কূমথরক্লগা খৎনবা হৌরকপদগী খূৎ থোক্নরক্তুনা অচৌবা ঈরাং থোকখ্রে।
কুমশিং ২০২৩ গী মে থাদগী কুকিশিংনা হীঙশাগী ঈরাং চত্থরকপদগী অহানবা চহীদু মফম অসীদা লৌ পানবা ঙমদনা লৈরকখিবনি। মদুগী মতমদুদা কুকিশিংনা মৈতৈগী লৈতানপোকপীদা লৈবা য়ূম ৩০ হেন্না মৈ থাদোকখিবনি। মমাঙগী চহী ২০২৪ দদি সেক্যুরিটি ফোর্সনা ঙাক শেন্দুনা লৌ পানবা ঙমখি। হন্দকসু সেন্ট্রেল সেক্যুরিটি ফোর্স না ঙাক শেনবিয়ু,মফমদুদা লৌ উজগে হায়বদা বি এস এফকি কাঙবূনা য়ারকখিদবনি হায়না মফমদূগী খুঞ্জাশিংনা ফোঙদোরকখি।
সেক্যুরিটিনা ঙাকপীদ্রবসু লৌ উদবদি য়াদবনিনা শিরবসু-চঙলবসু থোক্ল-থোক্ল বা অমা লাক্লগনি হায়দূনা খুঞ্জা মৈতৈ লৌমীশিংনা মশা-মশাগী লৌ খোইবা হৌরকপদা কুকিশিংনা নাউরি, উতূপ-চৈতূপ পায়দুনা লাক্লগা এত্তেক চত্থরকখিবনি হায়রি। মদূদা মৈতৈ লৌমীশিংনসু খূৎ হন্দুনা লৈতূম, নূঙদূম্না থানখিবনি। নাউরি কাপশীল্লকপদা মৈতৈগী লৌমী অমা মখোঙদা পান্দুনা শোকখি। মদূগী মতূঙ পুলিস অমসুং সেন্ট্রেল সেক্যুরিটি ফোর্স কয়ামরুম চঙশীল্লক্তুনা ঙাক শেল্লদুনা লৌমীশিং অদূনা মখাতানা লৌ খোইখি। ঈরাঙ অদূসু মপূঙফানা কন্ট্রোল তৌখ্রে হায়রি।
You may also like
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে