অরম্বাই তেঙ্গোলগী জি ঐচ ক্যুগী ফাইটিং কম্মান্দর আসেম কানন য়াওনা তেঙ্গোল্লোয় মঙা ফাখিবা থৌদোক্কি মায়োক্তা মীয়াম্না অকনবা খোঙজঙ চঙশীল্লক্তুনা লৈঙাক্কি মীৎয়েং চঙবীননবা অমসুং কন্দিসন অমত্তা থমদনা তেঙ্গোল্লোয় মঙা ফাজীনখিবদু থাদোরক্কদবনি হায়না দিমান্দ তকশীন্দুনা চঙশীল্লকপা ইহৌগী শরুক অমা ওইনা খাঙবোক্তা লৈরিবা থৌবাল দিষ্ট্রিক্ট পুলিসকি এস পিগী ওফীসতা মীয়াম্না থোমজীন্দুনা খোঙজঙ চত্থরিঙৈ তাল্লক্তা সেন্ট্রেল সেক্যুরিটি ফোর্স কাঙবূ অমনা য়ূমগী পোৎ- চৈ, গারীনচিংবা কয়ামরুম থুগাইদুনা অমাঙ- অতা থোকহল্লম্লে হায়রি।
থৌদোক অদুদা চেন্নরিবা মরাল লৈবা সেক্যুরিটি ফোর্স কি মথক্তা লৈঙাক্কি মায়কৈদগী মতীকচাবা আইনগী চৈরাক পীয়ু হায়না খাঙবোক, থৌবাল মায়কৈগী ঈমা মৈরা পায়বীশিংনা অকনবা খোঙজঙ চঙশীনবা হৌখ্রে। অসেম কানন অমসুং এ টিগী মীওই মঙা ফাদূনা পুখিবা থৌওং য়ানীঙদে হায়বা খোল্লাউশিংগা লোয়ননা মখোয়বু কন্দিসন অমত্তা য়াওদনা খূদক্তা অথোরিটিনা থাদোরক্ননবা দিমান্দ তকশীন্দুনা খাঙবোক মায়কৈদা লৈবা ঈমাশিংনা লুচিংদুনা চঙশীল্লকখিবা খোঙজঙ অদুদা থৌবাল দিষ্ট্রিক পুলিসকি এস পিগী খাঙবোক্তা লৈবা ওফিস্তা মীয়াম্না থোমজীল্লকখিবনি।
রাফকি টিম অমসু চঙশীল্লকখিবদগী চাউনা মূক্নরকখি। মীয়ামগী খোঙজঙ অদূ তোকহন্ননবা সেক্যুরিটি ফোর্সনা ট্যার গ্যাস অমসুং মোক বোমশিং কাপ্তুনা লৈরিঙৈ চৈরক্তা মীয়ামগী য়ূমশিংদা চঙলক্তুনা য়ূমদা লৈবা গারিশিং য়াওনা পোৎ- চৈ কয়ামরুম থুগাইদুনা মাঙহল্লম্বনি হায়রি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে